اؤلكه‌نين ثبت احوال سازماني‌نين بين‌الميلل
ايشلر موشاويري دئدي: 6 ميليون ايرانلي اؤلكه‌ني خاريجينده ياشير.
جام جم آنلاين: اؤلكه‌نين ثبت احوال
سازماني‌نين بين‌الميلل ايشلر موشاويري بونو دئمگينن كي خاريجده ياشايان
ايرانليلاردان دقيق آماريميز يوخدور، دئدي: 4 تا 6 مييون ايرانلي خاريجده ياشايير.
فارسين گوزاريشينه گؤره، محمود حليمي اكو
عضولري ثبت احوال سازمانلاري‌نين بيرينجي ايجلاسي موناسيبتينه قورولان خبري كونفراسدا
دئدي: بو ايجلاس مهرين 11-يندن 12-سينه‌جن «لاله» هوتلينده عضو اؤلكه‌لرين حوضورو
اينن قورولاجاق.
او ايدامه وئردي: بو تازا بير
ايبتيكاردير كي خاريجي ايشلر وزارتي‌نين هماهنگ‌ليگي ايله اكونون 10 عضوي آراسيندا
قورولاجاق.
حليمي بو ايجلاسين هدفلرينه ايشاره ائديب
دئدي: تجروبه و دانيش تبادولي اوچون، موختليف اؤلكه‌لرين ثبت احوال
سازمانلارينن تانيش اولماق بو ايجلاسين لاب موهوم هدفلريندندير.
او ايدامه وئردي: ايجلاسين ايدامه‌سينده
سيجيلّي‌لرين و كيمليك سندلرين امنيّتي باره‌سينده ايطّيلاعات موباديله اولاجاق كي
اؤلكه‌ميزين آماده‌ليگي وار امنيّتي ضريبين چوخالتماق اوچون، لازيم اولان
ايطّيلاعاتي او بيري اؤلكه‌لرين ايختياريندا قويسون.
هوشلي كارتين پايلوتي بو ايل باشا چاتير
اؤلكه‌نين ثبت احوال سازماني‌نين بين‌الميلل
ايشلر موشاويري هوشلي كارت وئريلمه‌سي باره‌ده دئدي: هوشلي كارتين پايلوتو كئچن
ايلين آخيرلريندن «قم» دا باشلاييب و بو ايلين آخيرينه‌جن قورتولاجاق.
او بونا ايشاره ائله‌مگينن كي تركيه و
پاكستانين هوشلي كارت وئرمكده ياخجي تجروبه‌لري وار، دئدي: بو ايجلاسدا بو اؤلكه‌لرين
تجروبه‌لريندن ايستيفاده ائله‌مك اولار.
حليمي دئدي: جمعيّتي ايطّيلاعات
پايگاهلاري 700 نوقطه‌ده فعالديلار و ايكي دوغوم و اؤلوم حاديثه‌لريني آنلاين
صورتده مربوطه مرجعلره گوزاريش وئريرلر.
اؤلكه‌نين ثبت احوال سازماني‌نين بين‌الميلل
ايشلر موشاويري خاطيرلاتدي: بو ايجلاسدا بير سايت نظرده توتولوب كي اكو عضولري اؤز
دستاوردلريني بو سايتدا آيري اؤلكه‌لره اعلام ائليرلر.
او خاريجده ياشايان ايرانليلارين ساييسي
باره‌ده دئدي: خارجده ياشايان ايرانليلار باره‌ده موختليف آمارلار وار، خاريجي ايشلر
ويزارتي‌نين طريقي‌اينن بيزه يوللانان آمارا گؤره 4 تا 6 ميليون ايرانلي خاريجده
ياشايير.