شرقی آذربایجان اسلامی تبلیغات مدیر کلی بیرلیغا اهمیت وئرماغی تبریز مذهبی هئیأتلر شوراسی‌نین عضولرینه لازم بیلیب، کذهبی هئیأتلری سهمنا سالماغی بو هئیأتین لاپ مهم وظیفه‌سی بیلدی.
مهرین وئردیغی خبره گؤره، حجت‌الاسلام والمسلمین سیدشهاب‌الدین حسینی تبریز مذهبی هئیأتلری رئیسه شوراسی‌نین سئچیلمه جلسه‌سینده، بو شورانین کاندیدالاری‌نین 120 نفردن 600 نفره چوخالماسینی خبر وئرماغینان دئدی: مذهبی هئیأتلرین انتخاباتی تبریزین 14 نقطه‌سینده قورولاجاق.
او بونو دئماغینان کی استان منتخبلرین ایچیندن بیر نفر بهمنین 23 و 24 ده قورولاجاق کشوری انتخاباتا یول تاپاجاق، آرتیردی: فرهیخته خانیملار و اسلامی انجمنلر اتحادیه‌سی‌نین رئیسلری تبریزدن اولدوغو کیمی اومید ائلیروق مذهبی هئیأتلرده ده تبریزین حسینی جایگاهینی بوتون اؤلکه‌یه تانیتدیراق.
او هابئله جوانلارین جذبی و مذهبی هئیأتلرده مداحلارین و روحانیلرین اولماسینی شیعه‌نین چیچکلنمه عصرینده، اؤز آرزیسی ساییب آرتیردی: تبریزین مذهبی هئیأتلر شوراسیندا تقاضامیز بودور کی بیرلیق و انسجامی ساخلاماغینان شیعه فرهنگینی یایماقدا چالیشسین.
جلسه‌نین آخرینده تبریزین مذهبی هئیأتلر شوراسی‌نین مدیره هئیأتی سئچیلدی و صمد قلیزاده هئیأت مدیره رئیسی و علی زارع نائب رئیس و مجید عباسپور دبیر کیمی سئچیلدیلر.