ترکی | فارسی | العربیة | English | اردو | Türkçe | Français | Deutsch
سه شنبه 5 تير 1403 - 18 ذو الحجة 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 33
ديروز : 21
ماه : 2144
 
تاریخ : شنبه 21 مرداد 1396     |     کد : 1460

موفق ائولنماغا نئچه مهم اصل

ائولنمک بیزیم جامعه‌میزده نه تکجه ایکی نفری بلکه ایکی خانواده‌نی بیر بیرینه مربوط ائلیر. بیر ائولیلیغین باشاریلی و با باشاریسیز اولماسی اوچون هر شئیدن مهم ایکی خانواده‌نین انتخاب ملاک‌لاریدیر.

ائولنمک بیزیم جامعه‌میزده نه تکجه ایکی نفری بلکه ایکی خانواده‌نی بیر بیرینه مربوط ائلیر. بیر ائولیلیغین باشاریلی و با باشاریسیز اولماسی اوچون هر شئیدن مهم ایکی خانواده‌نین انتخاب ملاک‌لاریدیر. جوانلاری اوچون زندگانلیق یولداشی سئچماقدا، ایمان، اخلاق و تفاهمی اصل سایان خانواده‌لر هله اولسا دا، بو گونلر مالی حسابلامالارینان ائولنماغین چوخالماسینی گؤزدن قاچیرتماق اولماز.

یئله دایانماق

بو گونون قیز اوغلانلارین اشتباه ملاکلاریندان بیری، مادیاتا و ظاهری گؤرونوشه اساسلانماق اولور. بو مسأله قیزلاردا ائو و ماشین و قیافه‌نین نه‌جورلوغو چوخ رنگلی اولور. ائله بو مسأله اوغلانلاردا دا مصداق تاپیر. قیزین خانواده‌سی‌نین وارلی اولماسی و یا قیزین گؤزللیغینی اساسلی توتماق اشتباه ملاک‌لاران ساییلیر.

دنیا مالی و ظاهری گؤزللیک هر آن الدن گئده بیلر. بیر زلزله، بیر یانماق و یا هر بیر آیری آجی اتفاق اثرینده بونلاردان الدن گئده بیلر. ایندی سوروشماق لازمدیر کی مثلاً وارلی بیر اوغلان ائولنندن سونرا ورشکس اولسا، خانیمی دئیه‌جاق:  داها سنین پولون یوخدور و من سندن بوشانیرام؟ و یا گؤزل بیر خانیم ائولیب اوشاق صاحبی اولدوقدان سونرا آجی بیر حاثه اثرینده گؤزللیگین الدن وئریرسه اوشاغی و زندگانلیق یولداشی اونا دئیه‌جاقلار: سن داها گؤزل دئییلسن و بیزدن آیریلمالیسان؟ مسلماً بونلارین هئچ بیری عاغلا سیغان دئییل و هئچ کس طرفیندن تأیید اولونماز.

بئله اولاندا دئیه‌سن زندگانلیق یولداشی سئچماقدا نه‌یه دقت یئتیرماق لازمدیر؟

اخلاق

موفق بیر ائولنماغین لاپ مهم معیاری، اخلاقی و روحی توافقدور. صداقت، صمیمیت، مهربانلیق و اخلاقی ثابتلیق موفق بیر زندگانلیغین بناسینی قویار. بونلاردان علاوه مسئولیّتلی‌لیق، سخاوت، یاخجی مدیریت زندگانلیغی یاخجیلاشدیران آیری اخلاقی خصوصیتلردیر.

دنیا گؤروشو و دینی اعتقادلار

دنیا گؤروشونده و دینده متناسب و هماهنگ اولماق ائولنماغین اساس اصل‌لریندن ساییلیر. اعتقادلارین بیره- بیر عینی اولماسی ائله‌ ده واجب دئییل آما بیر بیرلرینه یاخین اولاماق بو مسأله شرطدیر. چونکی بئله اولمازسا زندگانلیغین بوتون زمینه‌لره تأثیر قویار.

ایچه دؤنوکلولوق و یا ائشیگه دؤنوکلوق

ائولنماقدان اوّل دقت یتیرمه‌لی مسأله‌لرین بیری‌ده مقابل شخصین ایچه دؤنوکلوغو و یا ائشیگه دؤنوکلوغودور. ایچه دؤنوک آداملار همیشه فکرده‌دیلر. بو انسانلارین اؤز رفتارلارینا کنترل‌لاری چوخ اولار. معمولاً آز جمع ایچینه چیخماغا چالیشارلار و ذهنی فعالیتلره داها چوخ علاقه‌لری اولار. آما ائشیگه دؤنوک آداملار اطراف دنیالاری اینن داها آرتیق ارتباط قورارلا. اؤزلرینه داها آز تسلطلری آما جمعه چیخماغا و اجتماعی فعالیتلره اؤزلرینه داها چوخ اعتمادلاری اولار. نظرده آلماق لازمدیر کی ایکی نفرین بو جهاتدن چوخ فرقلری اولسا چوخلو مشکل‌لر قاباغا گلر.

ایستی و یا سویوق مزاجلیق

یاخشی اولار بو باره‌ده بحثی آخر مرحله‌یه و عقددن قاباغا ساخلایاسیز. اوتانمایین و اؤز جنسی خصوصیتلریزی مقابل طرفه دانیشین. ایستی مزاج انسانلار معمولاً شورلو و هیجانلی اولارلار. ترسینه سویوق مزاج انسانلار هیجانا آز میل‌لری اولار. ایستی مجاز کیشیلرین کیشی سایاق اخلاقلاری اولار. بو کیشیلر بعضی زمانلار غضلرینی شدتلی بروزه وئررلر. بو خصوصیته صاحب اولان خانیملار دا دها چوخ خانیم یانا ظرافتلری اولار. سوست دئییل‌لر و اونلاردا خانیم یانا روحیاتی داها چوخ اولار.

جنسی مسأله‌لر باره‌ده باخیشلار و عقیده‌لریزی دانیشین و مقابل طرفین بو باخیشلارا منفی نظری اولمادیغینا مطمئن اولون. بو زمینه‌ده نه قدر بلوغا چاتدیغیزی بررسلیق ائله‌یین. بیر انسانین جنسی مسأله‌لر نه قدر اهمیت وئرمدیغی‌دا چوخ اهمیتلی‌دیر. مقابل طرفدن اولان اؤز جنسی انتظارلاریزی دیله گتیرین. بو باره‌ده دانیشیغین اهمیتینی یاددان چیخارتمایین چونکی بوشانمالارین چوخو بو مسأله‌لره گؤره اولور.

آخر سؤز

موفق مشترک یاشاییشین باشلانماسینا، دؤزوملو اولماق لازمدیر.  ایکی طرفلی دانیشیقلارا اهمیت وئرین. تئز نتیجه آلماغا تلسمه‌یین و ذهنیزده‌کی دویونلری آچماغا داها چوخ واخت قویون و داها چوخ دانیشین.


نوشته شده در   شنبه 21 مرداد 1396  توسط   کاربر 1    تعداد بازدید  88
PDF چاپ چاپ بازگشت
نظرات شما :
 
Refresh
SecurityCode