مجلس نماینده‌لری عمومی وظیفه خدمت قانونونون 35-جی ماده‌سی‌نین اصلاحی‌نین تصویبی اینن مشمول دیپلم‌لارین تحصیل اوچون خارجه‌یه گئدماقلارینی ممنوع ائله‌دیلر.

مجلس نماینده‌لری سه شنبه گونو –مردادین 17سی- عمومی وظیفه خدمتین 35-جی ماده‌سی‌نین اصلاح لایحه‌سینی 136 موافق رأی و 44 مخالف و 15 ممتنع رأی‌ اینن تصویب ائله‌دیلر.

بو تصویبه اساساً، مشمول‌لار، دیپلم آلاندان بیر ایل سونرایاجن ایکی وزارت بهداشت و علومون تأیید ائله‌دیغی دانشگه و مؤسسه‌لرین بیرینده ادامه تحصیل وئرماغینان، معافیت تحصیلی‌دن استفاده ائله‌یه بیلرلر.‌

بوندان قاباق مشمول‌لار دیپلم آلاندان سونرا خارجی اؤلکه‌لرین بیرینده دانشگاهدان قبول اولسایدیلار معافیت تحصیلی مزایاسیندان استفاده ائله‌یه بیلردیلر.

بو مصوبه نگهبان شوراسی طرفیندن تصویب اولسا بوندان سونرا فقط سربازلیقلارین سووموش دیپلم لار تحصیل اوچون خارجه‌یه گئده بیله‌جاقلار.