تبريزن ايسلامي
شورا مجليسي‌نين عضوي دئدي: كئچن نئچه ايلده
تبريز شهرداريسي موهوم و زيربنايي پروژه‌لرين ايجراسي‌اينن تبريزين
چؤهره‌سين چوخ
دگيشيب.
فارس خبرگوزاريسي‌نين تبريز شهرداريسي عومومي روابيطيندن
نقل گوزاريشه گؤره، حبيب شيري آذر منطقه ايكي شهرداريسي پروژه‌لري‌نين
ايفتيتاحيّه‌سينده دئدي: كئچن نئچه ايلده جماعتين حيمايتلري كؤلگه‌سينده تبيريزده
بؤيوك پروژه‌لرين ايجراسينا شاهيد اولدوق كي بو مسأله خيدمت‌رساني و شهري توسيعه‌سي‌نين
شيتابينا باعيث اولوب.
او سؤزلري‌نين آيري بخشينده بونو اعلام ائله‌مگينن كي
شهرداري دولت طرفيندن حيمايت اولمادان جماعته خدمات وئرير، دئدي: كئچن نئچه ايلده
تبريز شهرداريسي‌نين عومراني خدماتي پروژه و طرحلري‌نين حجمي و تعدادي، تبريز
جماعتي‌نين اؤزونه اينمام و سئوينج روحيه‌سيني آرتيب.
تبريزين ايسلامي شوراسي‌نين سؤز دانيشاني سؤزلري‌نين ايدامه‌سينده
تبريز شهرداري و اونون خدوم پرسونليندن، موختليف شهري پروژه‌لرين ايجراسينا گؤره
قدردانليق ائله‌دي.
هابئله بو مراسيمده علي نورمحمد زاده شهرين ايسلامي شوراسي
عضوي، تبريز شهرداري‌سيندان شهرين بوتون يئرلرينه توجّه ائله‌مگه خاطير قدردانليق
ائله‌ييب دئدي: كئچن نئچه ايلده تبريز شهرداريسي لاب موهوم اولويّتيني، عومراني و
زيربنايي پروژه‌لرين ايجراسي قرار وئريب كي گرك بو عزيزلرين قدرداني اولاق.
او تأكيد ائله‌دي: تبريز شهرداريسي و ايسلامي شهر شوراسي،
جماعتين ريفاهيني تأمين ائله‌مك اوچون زيربنايي پروژه‌لرين ايجراسيني اؤز ايشي‌نين
سرلوحه‌سي قرار وئريب.