آموزش و پرورش وزيري دئدي: مدرسه‌لري هوشلي ائله‌مگينن
اينترنت تميز صورتده، ميلّي اينترنت قاليبيندا مدرسه‌لره گلير.
فارس خبري باشگاهي‌نين ايجتيماعي خبرنيگاري‌نين گوزاريشينه
گؤره،آموزش و پرورش وزيري حميد رضا حاجي‌بابايي رباط كريمده حضرت فاطمه زهرا(س)
آديندا نومونه دولتي دبيرستاني‌نين ايفتيتاحيّه مراسيمينده، آموزش و پرورشين
32-نجي حوزه‌سينده، 32 ايكي آموزشي و پرورشي موجتمعين احداث برنامه‌لرينه ايشاره
ائله‌مگينن دئدي: بو موجتمع‌لرده، بوتون ايشلرين دولانديرماسي عام صورتده موجتمع
موديري‌نين الينده‌دير و مدرسه‌لرين موديرلر اونون موعاويني حساب اولورلار.
او آرتيردي: منيم ايستگيم بودور كي بو موجتمعلرين آدلاري
حضرت علي (ع) و حضرت زهرا (س) تعيين اولسون نييه‌كي تعليم و تربيت يولو بو مسيردن
كئچير، هرچند خيّيرلر بو موجتمعلرين آدلارين قويماقدا اختيارلاري وار.
حاجي‌بابايي ايدامه وئردي: بو ايل اؤلكه‌ده 4 ميليون متر
موكعب مدرسه دوزه‌ليب، هابئله مهر آييندا 2 مين آموزشي و پرورشي پروژه ايفتيتاح
اولاجاق و اوندان سونرا فجر دهه‌سي‌نين پروژه‌لرينه گئدمه‌لي‌ييك.
*سويا چكيلميش اينترنت، مدرسه‌لره گلير
ايدامه‌ده آموزش و پرورش وزيري 20 مين مدرسه‌نين هوشلي ائله‌مگيندن
خبر وئردي و دئدي: قراردي بئشينجي توسيعه برنامه‌سي اساسيندا مدرسه‌لرين هاميسي
هوشلي اولا آما آموزش و پرورشين اينديكي موديرلري‌اينن بو ايشي اوچ ايلده ده
گؤرمك اولار.
او آرتيردي: مدرسه‌لري هوشلي ائله‌مگينن، اينترنت تميز و
سويا چكيلميش اولار و ميلّي اينترنت (اينترانت) صورتينده مدرسه‌لره گلر.