ولی فقیهین شرقی آذربایجانداکی نماینده‌سی و تبریز امام جمعه‌سی تروریستی داعش گروهکی‌نین تحرکلری و بعضی عربی اؤلکه‌لرین اوندان حمایتینه اشاره ائله‌ماغینان دئدی: جهانی استکبار مسلمانلار آراسیندا اختلاف سالماغینان عمومی افکاری فلسطین مسأله‌سیندن منحرف ائله‌ماق ایستیر.

آیت الله محمد علی آل هاشم تبریزین بو هفته‌کی نماز جمعه خطبه‌لرینده دئدی: منطقه‌ده حساس و سرنوشت دوزلدن زمانلاری اینن اوز به اوزوق و اسلام دونیاسی‌نین رهبرلیغینی ادعا ائدن بعضی عربی اؤلکه‌لر مسلمانلار ایچینده مشکل یاراتماق فکرینده‌دیلر.

او بونا اشاره ائله‌ماغینان کی تروریستی و تکفیری گروهلاردان حمایت ائله‌ماق اسلام دوشمنلری هدفلری مسیرینده‌دیر آرتیردی: دوغروسو بودور کی بعضی عرب اؤلکه‌لری‌نین باشلاری خطر احساس ائله‌ییبلر و بونا گؤره مسلمان ملّتلرین علیهینه متحد اولوبلار.

تبریز امام جمعه‌سی بونو دئماغینان کی عربستان طرفیندن یمنین مظلوم جماعتینه تهاجم و تروریستی گروهلاردان حمایت ائله‌ماق، منطقه‌ مسلمانلارین علیهینه نیابتی جنگین نمونه‌سیدیر، آرتیردی: بو ایش اسلام دونیاسینی‌ ضعیفتماقدان علاوه، صهیونیستی رژیمی تقویت ائلیر و عمومی افکاری فلسطین مسأله‌سیندن منحرف ائلیر.

آیت الله آل هاشم دئدی: بو گون دونیا استکباری اسلام دونیاسیندا باش ورئن جریانلاردان سوءاستفاده ائلیر و آمریکا و اسرائیل تروریستلر و داعشین حمایتی اینن صهینیستی رژیمی امن یئرده ساخلاماغا چالیشیرلار.