میراث فرهنگی‌نین مجلس معاونی اعلام ائله‌دی: بو سازمانین چالیشماسی اینن فراملی تبریز 2018 حادثه‌سی دولت هیأتینده تصویب اولوب اجرایی بندلری شرقی آذربایجان اداره کلّ‌ونا ابلاغ اولدو.

شرقی آذربایجانین میراث فرهنگی عمومی رابطه‌لری‌نین وئردیغی خبره گؤره میر هادی قره‌سید رومیانی دولتین بو حادثه‌نی تصویب ائله‌مه‌سینه اشاره ائله‌ماغینان آرتیردی: اسلامی کنفرانسین تصویبینه اساساً تبریز شهری 2018-جی ایلینده اسلام اؤلکه‌لری‌نین توریزم پایتختی کیمی سئچیلیب. او آرتیردی: اسلامی کنفرانس سازمانی دنیانین اوچونجو بؤیوک سازمانی‌دیر کی 2013-جو ایلینده، هر ایل بیر اؤلکه‌نین بیر شهرینی اسلام اؤلکه‌لرین توریزم پایتختی کیمی سئچمه قرارینا گلدی. 2015-ده قدس شهری و 2016 و 2017-جی ایللری‌ده تورکیه‌نین قونیه و عربستانین مدینه شهری اسلام اؤلکه‌لری‌نین توریزم پایتختی کیمی سئچیلدی.

قره سید رومیان آرتیردی: تبریزین 2018 اسلام اؤلکه‌لری پایتختی کیمی سئچیلمه‌سی بو مصوبه میراث فرهنگی سازمانی طرفیندن شرقی آذربایجانا ابلاغ اولدو اونون اجرایی ایشلری گؤرولسون سونرا شرقی آذربایجان اوستانداری امضاسی اینن بیر نامه رئیس جمهورون بیرینجی معاونینه یازیلدی و دولتین فرهنگی کمسیونوندا بررسلیقدان سونرا، اسلامی کنفرانسین بو مصوبه‌سی دولتده مطرح اولوب تصویب اولدو.