شرقی آذربایجان اسلامی تبلیغات مدیر کلّی: بیزیم انقلابیمیز قرآن و عترتدن الهام آلمیش انقلابدی
مهرین وئردیغی خبره گؤره، حجت‌الاسلام و المسلمین سید شهاب‌الدین حسینی اسلامی تبلیغات سازمانی مکانیندا برگزار اولان اجرایی دستگاهلار مدیرلرینه مخصوص تفسیر قرآن جلسه‌سینده دئدی: بو جلسه‌لرین 18 ایل بوندان قاباق تشکیل تاپماسی گونوندن ایندی‌یه قدر بیزیمله همراه و یاور اولانلاردان قدردانلیق ائله‌مه‌لی‌یوق.
او بونو دئماغینان کی هر نه واریمیز قرآنداندیر، آرتیردی: بیزیم انقلابیمیز، اسلامی و قرآنی انقلابدیر و یئری وار بو سفره‌نی بیزه آچان عزیز امام و اؤزلریندن کئچن شهیدلره قدردان اولاق.
دکتر حسینی دئدی: انقلابین معظم رهبری امام خامنه‌ای نین دغدغه‌لریندن بیری اولان بو جلسه‌لرین انشاءالله ادامه‌سی اولار کی بو شهرین مدیرلری قرآنینان داها آرتیق مأنوس اولارلار.
او ادامه‌ده دئدی: بو قرآن داغا و چؤله نازل اولسایدی اونا تحمل ائله‌ینمزدیلر و انسانین قرآن واسطه‌سی اینن آگاهلیغی اونون اوچون بؤیوک رسالت ساییلیر.
او آخرده تأکید ائله‌دی: بعضیلری‌نین ایللر بویو درس اوخویاندان سونرا قرآن اوخویا بیلمه‌ماقلاری اوتانمالیدیر و هر مسلمان قرآنی دوز اوخویا بیلماقدان علاوه اونون معنا و مفهوموندا دوشونه بیلمه‌لیدی.