شادلیق انسان یاشاییشی‌نین دَیرلی وارلیقلاریندان ساییلیر. حتی تعبیری جایز اولسا انسانین اساس هدفی شادلیغا چاتماقدیر
انسانلارین هامیسی‌نین شادلیق یولو بیر اولماسا دا بیز آشاغیدا شاد اولماغا 10 یول یازیریق:
1. شاکر و قدردان اولون
بهره آپاردیغیز کیچیکدن بؤیوگه بوتون نعمتلره گؤره شاکر و قدردان اولون. بو ایش زندگانلیغیزدا مثبت انرژی‌یه سبب اولار. شاکر اولماق اضطراب و منفی انرژینه اوزاقلاردار. ترسینه، گیلئیلنمک و مداوماً شکایتچی اولماق نا اومیدلیق گتیرر. بونا گؤره لاپ کیچیک موفقیتلریزین قدرینی بیلین. همیشه یاخجی حسّه صاحب اولماق اوچون بیر دفترچه‌ده صاحب اولدوغوز خوش شانسلیق و موفقیتلری یازین.
2. داها چوخ گولومسه‌یین
شادلیغی آرتیریب آغریلاری آزالتماق اوچون گولومسه‌مگی تمرین ائله‌یین. بو ساده عمل اینن هر اناسن نئچه ثانیه ایچینده داها یاخجی حسّه ال تاپا بیلر. گولومسه‌ماق سیزین بئنیزه شادلیق هورمونو اندروفینی داها آرتیق آخدیراجاق. حقیقتده سیزین بئنیزین شادلیق حسّی اولاندا دوداقلاریز گولوش بورویه‌جاق. گولومسه‌مک حتّی بئینیزین دقّیتینی آرتیریب بئیین فعالیتلریزی گرجلندیره بیلر.
سیزه ناراحتلیق اوز وئرنده بو تمرینی حتماً ائله‌یین و آ«ی نتیجه‌سینی گؤرون.
3. آیریلارینا کؤمک ائله‌یین
اؤزگه‌یه هر جور انتظارسیز کؤمکلیق، امن حریمدن چیخیب سیزین کؤمگیزه محتاج اولان انسانلارین کؤمگینه گئتماق چوخ فایدالیدیر. بو جور ایشلر سیزی روحی و فیزیکی لحاظدان داها آرتیق گوجلندیرر. اجتماعی رابطه‌لریزی یاخشیلاشدیرار و اؤز استرسلریزینن داها یاخجی اوزلشماغا کؤمک ائلر.
هفته‌ده بیر ایکی ساعت داوطلب ایشره مشغول اولون و عیانی نتیجه‌سین گؤرون.
4. ورزش ائله‌یین
ورزش شادلیق گوجلندیرنی کیمی عمل ائلر. گونده‌لیق ورزش قانین سروتونین و اندورفینینی آرتیرار و سیزده شادلیق، اعتماد بنفس و عزت نفس مقدارینی چوخالدار. سیز چوخ ساده فعالیتلرینن باشلاییب اؤزوزه گونده‌لیق ورزش عادتی دوزلده بیلرسیز.
5. اجتماعی شبکه‌لردن و موبایلدان استفاده‌نی محدودلاشدیرین
موبایل و اجتماعی شبکه‌لرین اختراعسی چوخ ایشلری راحتلدیب آما اونلاردان افراطی شکلده استفاده ائله‌ماغین چوخلو ضررلری وار. داها شاد یاشاماق اوچون اونلاردان آز استفاده ائله‌یین.
6. ارتباطیزی آیریلارینان آرتیرین
ارتباطلارین چوخالماسی اینن شادلیغین مستقیم رابطه‌سی وار. یعنی شادلیغی چوخالتماق ارتباطلارین چوخالماسینا سبب اولار و ارتباطلارین چوخالماسی شادلیغی چوخالدار. بونا گؤره زمانیزین بیر قسمتینی‌ده خانواده‌زه و دوستلاریزا آییرین.
7. گونده اون دقیقه مدیتیشن ائله‌یین
چوخلاری مدتیشینین چوخ فایدالی اولدوغونو بیلیرلر آما آز انسان بو ایشی گؤرور.
مدیتیشن ذهنی دورولدار و زندگانلیغا آرامش و دینجلیق گتیرر. اضطرابی آزالدار و شادلیغی آرتیرار.
8. طبیعتده گزین
ایندیلیقدا چوخلاری‌نین زندگانلیغی باغلی قاپیلار دالیسیندا و طبیعتدن اوزاقدا کئچیر. اونا گؤره ده نارضایتلیق و غم غصه چوخ اولور.
بونونلا بئله هردن بیر طبیعتی گزماق ذهنی ریکاوری ائلر و انسانی آرامشه چاتدیرار. طبیعیت حیرت آمیز عنصرلارینی گؤرماق انسان قدر بیلمه حسّینی تحریک ائلر و شادلیق گتیرر.
9. دونیا مالی قاچماق حسّیزی کنترل ائله‌یین
همیشه تازا شئیلر آلماق انسانی سئویندیره بیلر آما انسان اؤزونو با حدی مرزی اولمایان بو ساحه‌ده ایتیرسه نه اینکی شادلیق اله گتیره بیلمز بلکه استرسه دوچار اولار. یاخشی اولار مادیات حسّیزی کنترل ائله‌ییب پولوزو بعضاً تازا شئیلر یئرینه تازا تجربه‌لر قازانماغا خرجله‌یه‌سیز.
10. معنویات اهلی اولون
معنویاتا میل‌لی اولماق انسانین روحونو گوجلندیرر. معنویاتا باغلی اولان انسانلارین هدف و معناسی اولار و اؤزلرینی گوجلو و ابدی بیر قدرته متصل بیلرلر. حقیقتده معنویات و شادلیق بیر انسانین یاشاییشیندا چوخ مهم مفهوملار ساییلیرلار.