اوستانین اسلامی تبلیغاتین مدیر کلّی دئدی: شرقی آذربایجاندا 20 مین نفرین معتکف اولماسی پیشبینلیق اولماسینی نظرده آلماغینان لازم اولان برنامه‌ریزلیقلار گؤرولوب.
مهرین وئردیغی خبره گؤره یکشنبه ناهار چاغی حجت الاسلام سید شهاب الدین حسینی خبرنگارلار جمعینده دئدی: بو ایلین اعتکاف مراسمی «اخلاقی و اجتماعی ارزشلرین ارتقاسی» شعاری اینن برگزار اولاجاق. چونکی بو مراسم اخلاقی و اجتماعی مشکل‌لرین حلی اوچون زمینه یارادیر.
او ثبت نامین یوزده 25 چوخالماسینا اشاره ائله‌ییب آرتیردی: ایندیلیقدا 144 مسجد اعتکافا حاضرلامیشوق کی اونلاری 40-ی تبریزده دیر. 20 مین نفر معتکف یازیلیب کی 15 مین نفر خانیملار و 5 مین نفر آقالار اولاجاق. او بو سایتی : www.etekaf-tabriz.ir ثبت ناما اعتکاف سایتی اعلام ائله‌ماغینان آرتیردی: ثبت نامی تکمیل اولمایان مسجدلر رجبین 13-ونه قدر آد یازدیریرلار.