چوخلاری قاباقکی عادی و استرسلی یاشاییشا قاییتماقدان ناراحت و شکایتچیدیلر. بو ناراحتچیلیق اونلارین چهره‌سیندن اوخونور و دیللرینه گتیرماقلاری لازم دئییل.
استرسدن اوزاق اولماق اوچون استراحت ائله‌ماق و ایشه فاصله وئرماق توصیه اولان و استفاده اولان یوللارداندیر. بایرام تعطیلاتی بو ایش اوچون مهم و یاخجی فرصت ساییلیر. بو فرصتده هامی خانواده‌سی‌نین یانیندا اولور و چوخلو جسمی و روحی مشکل‌لر آزالیر.
سفرلرینبرنامه‌سیز و آز فاصله‌سی و مسافرتین اوزون اولماسی تعطیلاتین آخرینده‌کی افسرده‌لیغا سبب اولور. مسافرتده‌کی افراط و تفریطلر استرسین تماماً بوشالماماسی و مسافرت احتیاجی‌نین هله ده حسّ اولونماسی انسانلاری ایشه قاییتماق مجبوریتینده اولدوقلاری اوچون افسرده ائله‌ییر.
بیزیم فرهنگیمیزده سفر اوچون بیر سئری آداب و روسم وار کی اونلاری رعایت ائله‌ماق بو کیمی مشکل‌لرین قاباغینی آلار.
هر حالدا تعطیلاتدان سونرا کی افسرده‌لیغی ساده یول‌لارینان درمانا ئله‌ماق اولار. مثلاً ایش یئرینه و یا گونده طی ائله‌دیغیز قیسا مسیری پیادا و قاچا قاچا گئتماغینان افسرده‌لیغی ساواشینا گئده بیلرسیز. بئله‌لیغینان گونده‌لیق ایشلریزی ورزشه چئویرمیش اولورسوز.