تبریز دانشگاهی‌نین رئیسی تولیدی اؤلکه‌نین توسعه موتورو بیلماغینان آرتیردی: بو مسیرده دانشگاهلار فنی علم تولید ائله‌ماغینان مهم نقش ایفا ائله‌یه بیلرلر.
دکتر محمد رضا پورمحمدی سه شنبه گونو دانشگاهین اوستادلار و ایشله‌ینلری اینن گؤروشده، بو ایلین معظم رهبرلیق مقامی طرفیندن تولید ایلی آدلاندیرماغا اشاره ائله‌ییب دئدی: تولیددن منظور هرطرفلی کالا، خدمت و فنی علم تولیدی‌دیر.
او آرتیردی: دانشگاهلار و علمی مرکزلرین مقاومتی اقتصادین تحققوندا دانیلماز نقشلری وار.
اوستاد پورمحمدی آرتیردی:دانشگاهلار اوستادلار و نخبه دانشجولارین تازا ایده‌لریندن حمایت ائله‌ماغینان و اونلاری تجاری ائله‌ماغینان اؤز واقعی رسالتلرینه عمل ائله‌یه بیلرلر.
او مقاومتی اقتصادین تحقق تاپماسی یوللاریندان بیرینی، محصول تولید ائدیب دونیا بازارلارینا صادر ائله‌ماق بیلدی. تبریز دانشگاهی رئیسی آرتیردی: برجامین آچیلیشلاری، تحریملرین گؤتورولمه‌سی، بین المللی بانکی و معمله‌لرین تازادان قورولماسینی نظرده آلماقلا بو یولدا تولیدچیلره و صنعتگرلره تازا فرصتلر آچیلیب.