شرقی آذربایجان جمعیتی‌نین چوخالما نرخی یوزده 97/0-دیر / ساوادلانما نرخی‌نین یوزده 2.6 چوخالماسی/ استانین لاپ چوخ جمعیت آرتیمی اوسکو شهرینده/هر عایله‌ده اورتالاما 3.2 نفر/ شرقی آذربایجان جمعیتی‌نین آرتیشی اؤلکه اورتالاماسیندان آشاغیدیر.
شرقی آذربایجان بودجه و برنامه سازمانی‌نین رئیسی شرقی آذربایجاندا بیر میلیون 223 عایله‌نین اولدوغوندان خبر وئریب دئدی: استان جمعیتی‌نین 1.989.400 نفری مذکر و 1920252 نفری مؤنثدیلر.
سون آمارین نتیجه‌لرینه گؤره، استان جمعیتی 3909652 نفردیر کی 90-چی ایلین آمارینا گؤره 185 مین نفر آرتیب.
او آرتیردی بیزیم استاندا دوغوم ساییسی آز و مهاجرت یوخاریدیر بونا گؤره جمعیت آرتیشی بیزیم استاندا اؤلکه‌یه نسبت آشاغی اولور. اونون دئدیغینا گؤره، اؤلکه‌نین جمعیت آرتیمی اورتالاماسی یوزده 1.24 دیر کی بو رقم بیزیم استاندا یوزده 0.97دیر.
استان جمعیتی‌نین یوزده72-سی شهرده و یوزده 28-ی کندده یاشاییر. البته بونو نظرده آلمالی‌ییق کی بعضی کندده یاشایانلار ایش اوچون سحردن آخشاما قدر شهرده اولورلار و فقط استراحت اوچون کنده قاییدیرلار.