مرکزی اهر
شهریستانی اولان ارسباران منطقهسینی آرلکهنین لاپ مۆهوم گردشگرلیک قطبلاریندان
بیری سانیب دئمک اولار:
بو منطقه
ارسباران بیکر جنگللری، یایلاق داغ اتکلری، تاریخی اثرلر و اؤزونه مخصوص الایشلری
(صنایع دستی) کیمی مختلف گردشگرلیک جاذبهلرینه صاحب اولاراق مسووللارین آرتیق
توجّهۆنه احتیاجی وار ایدی؛ اۆمید کی فرهنگی میراث ادارهسی، الایشلری و
گردشگرلیک و الایشلری و وئرنی داییمی سرگیسی (نمایشگاه) ایشه باشلاماسی ایله بو
ایل، بو منطقهده، بو صنعتین آرتیق راوادلیق و ساهمانلاشماسینا شاهید اولاق.
وئرنی،
جئجیم و کیلیم کیمی کؤچریلرین ال توخوشو و طبیعی بال، سوماق، قارا قیرمیزی آلما و
یئملی بیر شیرنی اولان اهری، بو شهرستانین مۆهوم سووقاتـلریندندیر.
شئیخ شهاب
الدین اهری مقبرهسی، امازادا شئیخ عماد، ادب و عرفان موزهسی، جۆمه مچید (مسجد جامع) اهرین
تاریخی اؤرتولو بازاری کی تبریز بازاریندان سونرا اسلامی معمارلیغییلا تاریخی دهیره
مالیکـدیر، دوکتور قاسم اهری‌نین ائوی،
اهر گؤیجه‌بئلی شاه عباس کروانسارایی، پوشتاب قالاسی، نقدوز، کلهۆر و قهقهه کیمی
تاریخی اثرلردن آد چکمک اولار.
اهر انداب
فیندیقلیسی جنگلی پارکی، هوراند تامباکیلیسی جنگلی پارکی، ستارخان سدّینین گؤزل
ساحیلی، علیآباد درهسی، بو شهریستانین موهوم گردشگرلیک جاذبهلریندندیر. اۆمید
وار کی داخیلی و خاریجی گردشگرلر بو منطقهنین تاریخی و گزملی یئرلرن گزیمکله
خاطیرلرینده گؤزل خاطیره‌لر قالارغی ائتسینلر.
بو
شهریستانین ارسباران گردشگرلیک منطقهسینده اولدوغو اوچون و مشکین‌شهر شهریستانی و
اردبیل اوستانینا بیر کؤرپو کیمی اولدوغونا گؤره داها آرتیق ایمکانلارا احتیاجی
واردیر کی اقامت ایمکانلاری اونلاردان بیریسیدیر. هر حالدا، منطقهنین گردشگرلیک
زیرساختلارینی گۆجلندیرمک اوچون فرهنگی میراث سازمانینین داها چوخ توجهۆ ایستهنیلیر.