دانيشگاه و حوزه موشاويري بونو دئماغينان كي حيجاب، ايسلامين سس‌سيز پيام وئره‌نيدير،
دئدي:حيجابين گؤردوغو ايشلرين بيري بودور كي ايسلامين پياميني بونسوز كي بيري‌اينن
دانيشا اينتيقال وئرير.
مريم محمود زاده فارس خبري باشگاهي «توانا»، آروادلار
خبرنيگاري‌اينن دانيشيقدا دئدي: حيجاب تكجه بير اؤرتو دئييل بلكه بير فرهنگدير.
او دئدي: حيجاب خاص صورتده رعايت اولاندا بير فرهنگي اينتيقال وئرير و ايسلام
پيامي بو فرهنگ‌اينن باهم اولدوغونا گؤره موختليف اؤلكه لرده جور به جور حيجاب
نوعلرين رعايت ائله‌يَن خانيم ايسلام پياميني يايير.
حوزه و دانيشگاه موشاويري تأكيد ائله‌دي: حيجاب ايسلامين بير سمبولي كيمي
مطرحدير و ائله بونا خاطير ده غرب، ايسلامين ياييلماغيندان قورخور. سِكولار
حوكومتلرينده بئله دئييلير كي ديني سمبوللار گرك ايجتيماعي موحيطلردن آيريلا و بو
ايناملار گرك شخصي ياشاييشدا اولا.
او ايدامه وئردي: بونا خاطير كي حيجاب خاص بير دينين سمبولودور و موخاطبلره
پيامي وار، يوخاري اهميته ماليكدير.
*حيجابدان قورخو همان ايسلامدان قورخودور
محمود زاده بونا ايشاره ائله‌ماغينان كي غرب اؤلكه‌لرينده حيجاب قورخوسو همان
ايسلام قورخوسودور آرتيردي: موسلمانلار اؤز ايناملاري قورآن و ايسلام پئيغمبري
حضرت محمدي(ص) مؤحترم سايماقلا برابر آيري دينلري و پئيغمبرلره ده احتيرام
قويورلار، آما غرب اؤلكه‌لرينده آيري دين پئيغمبرلرينه او جومله‌دن ايسلاما توهين
اولور.
او دئدي: اؤزونو آزادليق بئشيگي آدلانديران اؤلكه آمريكا دا موقدّس قورآنين
اود وورولماسينا شاهيد اولدوق. بو واقعيتده بير برنامه تؤكولموش پروژه‌دير. ضيد
ايسلامي فيلملر و كاريكاتورلار، موسلمانلاري خوشونته موتّهم ائله‌مك و حيجابلي
خانيملارين دولتي و آموزشي يئرلره گئدمه‌سيني قاداغان ائله‌مك ايسلامدان قورخو
پروژه‌سي چرچيوه‌سينده‌دير.
*ساده‌ليقدير كي حيجابي شخصي بير مسأله بيلك
حوزه و دانيشگاه موشاويري بونو دئماغينان كي حيجاب نه تكجه بوتون ايلاهي
دينلرده وار بلكه اينشانين فيطرينه مربوطدور، آرتيردي: ساده‌ليقدير كي حيجابي و گئييم
طرزيني شخصي بير مسأله بيلك. ايسلامي حيجابي رعايت ائدن هئچ دانيشمادان، هر يئرده
كي حاضير اولور بئله دئيير: «من موسلمانام» چونكي بو اؤرتو فقط موسلمانلارا
مخصوصدور.
او بونا تأكيد ائله‌ماغينان كي حيجاب، ايسلام سمبولودور:
اگر حيجاب فرهنگي ياييلا، باعيث اولاجاق ايسلام فرهنگي ياييلسين و غرب‌ده بونو
ايسته‌مير چون اونلارين نظرينه گؤره ايسلام جاميعه‌سي گون به گون آرتماقدادير و
ائله بونا خاطير ده غرب اؤلكه‌لري‌نين چوخوندا مسجيدلردن اذان سسي گلمه‌سي و
ميناره دوزلتماغينان موخاليفت اولور.
محمودزاده بونو دئماغينان كي غرب جاميعه‌لرينده جماعت ايسلاما چوخ ماييلديلر،
ايدامه وئردي: حيجابلي خانيمللار حمله ائتمك و مروه شروينين محكمه‌ده شهيد
اولماسي، بير-بيرلري‌نين كناريندا غرب طرفيندن بير پازلدير كي جماعتي ايسلامدان
قورخوتسون.