تهرانين شهرداري دئدي: اؤلكه‌نين دگيشمه و قاباغا گئتماغيندا تبريز هميشه
قاباقدا اولوب و اگر دئساق تبريز بوتون عرصه‌لرده بيرينجيلر شهري اولوب ايغراق
ائله‌مه‌ميشوق.
فارس خبر گوزاريس‌نين، تبريز شهرداريسي‌نين هونري و فرهنگي سازماني‌نين
عومومي روابطي‌ندن نقل اولان گوزاريشينه گؤره، محمد باقر قاليباف تبريزين فرهنگي
هفته‌سي‌نين آيينيندن گؤروشده دئدي: تبريزين فرهنگي تأثيرلري بوتون عرصه‌لرده
ايرانين تاريخينده اؤزون گؤرسه‌ديب و سون
اون ايلده ده اونون درين فرهنگي تأثيري موشخص اولوب.
او هابئله دئدي: تبريز و تهران شهرداريلري‌نين آراسيندا اوز وئرميش برنامه‌ريزليقلارينان
تصميم توتموشوق بو قومي تنوّوعه آرتيق ديقّت يئتيرماغا، تهراندا موختليف قوملاردان
ساكين اولان جماعاتا آرتيق ديقّت وئراق.
او ايدامه‌ده شهرلرين توريسمينه ديقّت يئتيرماغي، فرهنگي هفته‌لرين
فايدالاريندان ساييب دئدي: شهري توريسم شهرداري حوزه‌لري‌نين موهوم بحثلريندندير
كي موتأسيفانه سون ايللرده غيفلت اولوب و بو آيينلرين قورولماسي اينن ائله‌ماق
اولار بو اهميتلي موضوعنو تقويت ائله‌ييب و شهرلرين شهري توريسمي‌نين ايقتيصادي
روشدونه مونجر اولا.
قاليباف آرتيردي: اؤلكه‌نين دگيشمه و قاباغا گئتماغيندا تبريز هميشه
قاباقدا اولوب و اگر دئساق تبريز بوتون عرصه‌لرده بيرينجيلر شهري اولوب ايغراق
ائله‌مه‌ميشوق.
بو گؤروشدن قاباق تهران شهرداري تبريزين فرهنگي هفته‌سي‌نين
نومايشگاهلاريندان گؤروش ائله‌ماغينان، تبريزين هونرمندلري‌اينن ياخيندان گؤروشوب
دانيشدي و اونلارين هونري اثرلريني قالارگي هونر عونوانيندا توصيف ائله‌دي.
فارسي لينكي
http://www.tebyan-tabriz.ir/farsi/?pageid=993&type=news&id=6438