شرقی آذربایجانین کمیته امداد مدیر کلی، بو ایلی ایلک 9 آییندا بو
اوستاندا 11 میلیارد تومن زکاتین ییغیلماسیندان خبر وئردی.
مهرین وئردیغی خبره گؤره، حسین دشتی اهرین آذغان کندینده اولان
زکات ییغینچاغیندا دئدی: ییغیلان زکاتین یوزده 70-ی یوخسول‌لار اوچون و یوزده
اوتوزو اجرادا اولان پروژه‌لره خرجلنه‌جاق.
او آرتیردی: مددجولارین خودکفاییسی و اشتغالی اوچون 3215 نفره
اشتغال دوزلدن طرحلر اوچون 37 میلیارد 700 میلیون تومنلیق تسهیلات وئریله‌جاق.
او هابئله شرقی آذربایجاندا کند زکات شورالارین تشکیلیندن خبر وئریب
آرتیردی: کندلرین زکات شورالاری‌نین تشکیلی اینن کندلرین آبادلاشماسی سرعتلنه‌جاق
و هر کندین زکاتی همان کندین یوخسول‌لارینی تأمین ائله‌ماق اوچون خرجلنه‌جاق.