بو گونلر جامعه‌میزین احتیاجی اولدوغو لاپ مهم مسأله‌لردن بیری روحیه‌لی
اولماقدیر. ایش بیلنلرین نظرینه گؤره آشاغیداکی یوللارینان روحیه قازانماق اولار:
1. تصمیمیزده جدی اولون
مسیری آخرینه جن گئتماغا قرارلی اولون. بیر ایشی باشامیش اولساز و او باره
تصمیم توتموش اولساز، ذهنیزی ایشین آخرینه قدر گئتماغا حاضرلایین. بئله‌لیغینان
ذهنیز اوچماغا حاضرلاشاجاق.
سیز «گؤردویوم ایشده لاپ یاخشی اولماق ایسته‌ییرم» دئمه‌یینجه سیزین حیاتیز
تپه‌نین قارانلیق بوجاغیندان باش قووزامیش بیر کؤلگه کیمیدیر. بو سؤزو دئدیغیزدا
گونشه طرف یوللانیرسیز و زندگانلیغیز ابده قدر فرقلی و فوق العاده اولور. پس
قرارلی اولون و داها بئخیال یاشامایین.
2. محدودیتلری تانیین
سیزین
قاباغیزی باغلایان محدودیتلری تانیین. ایشیزده داها یاخشی اولماغا مانعلری تانیین.
آیریلاریندان‌دا سوروشون. داها جدی و گوجلو آددیملار گؤرتورمگه یول تاپین. هر
جدیتله آتیلان آددیم سیزه موفقیته یاخینلادار.
3. مناسب انسانلارینان رابطه‌ز اولسون
کیملر
مناسبدیلر؟ وضعی خوش انسانلار یوخسا مثبت دوشوننلر؟ اؤزلرینه هدف و برنامه‌سی
اولان انسانلارینان رابطه‌ز اولسون. روحیه‌لی انسانلارینان ارتباطیز اولسون.
قارتال‌لارینان اولون. زیگ زیلانین دئدیغی کیمی : «قارتال‌لارینان اوچماق ایسته‌سن
هشترخانلارینان گزمه». منفی و مسموم دوشنجه صاحبلرینن و همیشه شکایتچی اولوب
آغلایان انسانلاردان اوزاق گزین.
4. اؤزوزدن موغایات اولون
اؤزوزدن چوخ
یاخشی موغایات اولون یعنی یئدیگیز ایچدیگیزه دقت ائله‌یین و همیشه ورزش ائله‌یین.
هامی یاخشی خورک یئمه‌لی و ورزش ائتمه‌لی و یاخشی استراحت ائتمه‌لی اولدوغونو
بیلیر. هفته بئش گون آغیر ایشله‌مه‌لی اوساز گئجه‌لری تئز یاتین.
5. اؤزووزو یوخاریدا گؤرون
گؤدویوز بوتون
ایشلرده اؤزووزو لاپ یاخشی بیلین. یادیزدا اولسون قازاناجاغیز بوتون موفقیتلر
اؤزوزدن یاراتدیغیز تصویرلردن اولوشور.
6. اؤزوزونن گؤزل دانیشین
ذهنیزده
اؤزوزله دانیشماغی کنترل ائله‌یین و اؤزوزله همیشه مثبت دانیشین. اؤزوزه
«من لاپ یاخشی‌یام» دئیین. «من اؤزومو سئویرم»، «من بو ایشی گؤره بیلرم» «من
ایشیمی سئویرم» کیمی جمله‌لری تئز تئز تکرار ائله‌یین. بو دئدیقلاریزا اینانماساز
دا، بو ایش هله واقع اولمامیش حقیقتین بیانیدیر. هاردان گلدیگین مهم دئییل، هاردا
گئتمک ایسته‌دیگین و مقصدی‌نین نه اولدوغو مهمدور.
اؤزوزله مختلف
شرایطه گؤره ایندی اولدوغوز کیمی یوخ بلکه اولماق ایسته‌دیگیز کیمی دانیشین.
یادیزدا اولسون ایندیکی وضعیز ساده بیر شانس‌سیزلیق نتیجه‌سینده اولموش اولا بیلر
آما گله‌جکده چاتاجاغیز موقعیت ایندی قوردوغوز برنامه اثرینده اولاجاق.
7. فعال اولون
سرعتلی اولون.
احتیاج حسی و بیر ایش گؤرمگین ضرورتی سیزده تقویت اولمالیدیر. بو حس سیزی
آیریلاندان فرقلندیرر. تعصبوز اولسون و اونو تقویت ائله‌یین. ذهنیزه یاخشی ایده
گلن زمان اونا عمل ائله‌یین. هر نه قدر تئز باشلاساز بیر او قدر تئز مقصده
چاتارسیز. هدفه داها یاخشی چاتدیغیزدا اؤزوزو داها آرتیق سئوه‌جاقسیز، اؤزوزو داها
چوخ سئودیگیزده عزتیز داها دا آرتاجاق. نظم انضباطیز آرتاجاق و مقصده داها راحت
شکلده چاتاجاقسیز.