تبریز شهرداری استاد شهریارین وفاتی‌نین 28-جی ایل دؤنومو و شعر و ادب گونونون
برنامه‌لری‌نین اجراسیندان خبر وئردی.
تبریز شهرداریسی‌نین عمومی رابطه‌لری‌نین وئردیغی خبره گؤره، صادق نجفی دئدی:
تبریز شهرداری ایکینجی ایل اولاراق، اوستاد شهریارین بین المللی یئرینه نظرده
آلماغینان مختلف برنامه‌لرین اجراسینی نظرده آلیب.
او آرتیردی:
اوستاد شهریارین شخصیتی و شعری باره‌ده 14 مختلف کتاب اونون عزیزله‌مه مراسمی اینن
عینی زماندا ارائه اولوناجاق.
تبریز شهرداری
اوستاد شهریارین الی اینن یازیلان قرآنین آچیقلانماسینی بو ایلین مهم برنامه‌لریندن
ساییب آرتیردی: بو قرآن اوستاد شهریارین الی اینن کتابت اولونوب و قرآنین بیر
جزئینه شاملدیر.
نجفی دئدی:
اوستاد شهریارین مکاتبه‌لری‌نین چاپی بو ایلین برنامه‌لریندندیر. هابئله عزیزله‌مه
مراسمینده آذربایجان جمهوریسی‌نین سفیری‌نین دانیشیغی اوستاد شهریارین دنیا
مرزلرینده تأثیرینی گؤرسده‌جاق.
نجفی آرتیردی:
اوستاد شهریارین عزیزله‌مه مراسمی‌نین ایکینجی بؤلومو تبریزین قاجار ائوینده
اولاجاق. او دئدی: اوستاد شهریارین اوجا روحی و ادبی منزلتی هئچ جور تکریمه و
تجلیله احتیاجی یوخدور بلکه بیز جامعه‌نین فرهنگی و اجتماعی رسالتینی یئرینه
یئتیرماقدان اؤترو اونلارین درین معرفتی و فکری مفهوملاری‌نین بیانینا احتیاجیمیز
وار.
او، استان هنر
حوزه‌سی و تبریز دانشگاهیندان بو مراسمین اجراسی اوچون تشکر ائله‌ییب دئدی: اوستاد
شهریارین وفاتی‌نین 28-جی ایل دؤنومو و
شعر و ادب گونو برنامه‌لری ایکی قسمتده نظرده آلینیب. بیرینجی بؤلوم شهریورین
27-ده تبریز دانشگاهی‌نین برق دانشکده‌سینده و اونون شعر گئجه‌سی همان گونون گئجه‌سینده
تبریزین قاجار ائوینده اولاجاق.