بیز
کناریمیزدا قالان انسانلاری و بیزدن حمایت ائله‌ماق حسّینی وئرن ایشلر گؤرن
انسانلاری سئوریک.
سیز
سئویملی‌سیز یوخسا یوخ؟ حتماً سیز ده ائله انسانلار تانیرسیز کی اطرافداکیلارین
نظرینی اؤزلرینه طرف چکرلر ! کاریزمالاری اؤلچولمه‌ین انسانلار آما هامی‌نین
اونلارینان راحت اولا بیلن انسانلار.
اونلار بو
ایشی نئجه گؤرورلر؟ الله وئرگیسی‌دیر یوخسا تمرین و مطالعه اینن بو یئره چاتیبلار؟
اولا بیلر ایکینجیسی دوز اولسون. اونلارین کلامی رابطه‌سی مناسب اولور. آشاغیداکی
17 عادتی سیز ده رعایت ائلیه بیلسز اولابیلسین کی سیز ده اوجو سئویملی اولاسیز:
1. ادبلی اولا
بیله‌جاقلاری یئرده ادبلی‌دیلر.
هر یئرده
«لطفاً» «ساغ اولون» کیمی کلمه‌لردن استفاده ائله‌ماق واجب اولمایا بیلر آما
کاریزماتیک اوماق ایسته‌سز اونلاردان استفاده ائله‌ماق سیزه فایدا وئره بیلر.
2. کیچیک محبتلرین قدرینی بیلرلر.
بیری‌نین
سیزدن تشکر ائله‌دیغی زمان «خواهش ائلیرم» سؤزونون تأثیری، «قابلی یوخدو» و یا
«اولسون» کیمی سؤزلردن چوخ داها آرتیقدیر. سئویملی انسانلار تشکر ائشیتماقدان
سئوینرلر و سؤزونن اونا جواب وئررلر.
3. تعریفلری دوغروداندیر.
کاریزماتیک انسانلارین تعریفی دوغرودان اولار. یالتاقلیق ائله‌مزلر و یالان
یئره ده تعریفله‌مزلر. بیری تعریفه لایق اولسا دئماقدان چکینمزلر.
4. اورکدن غم
شریکی اولارلار.
اونلار «حتماً
چوخ افتخار ائله‌دین» و یا «تصور ائلیه بیلیرم نئجه حرصلندین» کینی سؤزلردن
استفاده ائلرلر. بئله‌لیغینا هم اونلارین حسّیاتی اینن همراهلیق ائلرلر و هم
اونلارا ارزش وئررلر. (بیلمه‌لیسیز کی انسانلار هر شئیدن چوخ درک اولماغی سئورلر.)
5. فایدالی اطلاعاتی آیریلارینان پایلاشارلار.
بعضیلری اطلاعاتی فقط اؤزلری اوچون ایستیرلر آخی بئله بیلیرلر کی فقط اونلارین
بیلدیغی اطلاعات اونلاری گوجلندیرر. بو جور اولمایین. البته سئویملی انسانلار
شایعه اینن اطلاعاتین فرقی آنلارلار.
6. آیریلارینا کؤمک ائله‌ماغا داوطلب اولارلار.
چوخوموزون
جامعه‌یه کؤمک ائله‌ماغی گؤیلوموز ایستر، آما هاردان باشلادیغیمیزی بیلمیریک.
کاریزماتیک انسانلار زندگانلیقلاری‌نین هر آنیندا فقط دؤره‌برلرینه باخارلار وب
یئرلری چوخ راحت تاپیرلار. (کؤمکلیق سیزین دالیزجان گلنه قاپینی آچیق ساخلاماق
حدّینده بالاجا ایش اولا بیلر.)
7. بیر تیمین عضوی اولدوقلاری یادلاریندان چیخماز.
دوستلوق حسّی
چتین موقعیتلری دؤزولمه‌لی ائلیه بیلر. میرت اولماق بو موقعیتلری لذتلی‌ده ائلیه
بیلر. چوخ کاریزماتیک انسانلار چتین شرایطده بئله سؤزلر دئیرلر: «عیبی یوخ، بو
وضعیت هامیمیزا وار» سونرا او بیریلرین کناریندا تیمین هدفینه چاتماغا چالیشارلار.
8. احتراملی آدلار و عنوانلاردان استفاده ائلرلر.
کاریزماتیک
انسانلار او بیرلرین آدلارینی یادلاریندا ساخلارلار و اونلاری خوشلاری گلدیغی زمان
عنوانلارینان استفاده ائله‌ماغینان اونلاری سئویندیررلر. «سرهنگ» و «دکتر» کیمی
عنوانلاری قازانماق واخت آپارا بیلر آما اونلادان استفاده ائله‌ماغی خرجی یوخدور.
9. واقعی
اعتماد به نفس اینن دانیشارلار.
گوپلامازلار
آما چتین موقعیتلرده _مخصوصاً آیریلارین زندگانلیغیندا تأثیرلی اولان زادلاردا-
آرامش، ماراق و اعتماد به نفس اینن مسأله‌یه یاخینلاشارلار. اونلاردا بو سؤزلری
ائشیتماق اولار: «یاخجی، باخاق گؤراق بو مسأله‌نی نئجه حل ائلیه بیلروق».
10. آیریلارین بیری-بیرینه تانیتدیرارلار.
ایکی نفره
عینی آندا خوشلاری گله بیلن سؤزون نه اولدوغونو بیلیرسیز؟ «اجازه وئرین ....-ی
سیزه تانیتدیریم.» البته بو گونلر هامیمیز رابطه آچماق فکرینده‌یوق. آما
کاریزماتیک انسانلار اؤزلری ارتباطی شبکه قورماقدان علاوه آیریلارینا دا بو ایشده
کؤمک اولارلار.
11. آیریلارین اؤزلری اوچون تصمیم توتماغا اجازه وئررلر.
کاریزماتیک
انسانلار اؤز نظرلرینه ایمانلاری وار آما آیریلارینا دا فرقلی نظر صاحبی اولماغا
اجازه وئررلر و اونلارا بو اجازه‌نی وئررلر کی اؤز مسیرلرین اؤزلری سئچسینلر.
اوندان علاوه کاریزماتیک انسانلار اؤزگه‌یه اختیار وئرماقدان و سونرا اونلارا
اعتماد ائله‌ماقدان قورخولاری اولماز.
12. آیریلارینا اینادیقلارینی دیله گتیررلر.
فقط ایکی
کلمه: «سنه اینانیرام» بو ساده کلمه‌لر موفقیته آپارا بیلر. هامی‌نین تصدیق
اولماغا احتیاجی وار. عینی حالدا بو تصدیق دئین شخصی‌ده محبوب ائلر.
13. نوبه‌لرینی اونوتمازلار.
سئومه‌لی
ایشلر و یا یوروجو ایشلر اولسون، سئویملی انسانلارین نوبه‌سی چاتاندا قورخمازلار و
قاباغا گئدرلر. آیری عبارت اینن اونلار آیریلارینی تعریفله‌یرلر و یا
باغیشلایاندیلار آما مثلاً ناهار پولو وئرماق اونلارین نوبه‌سی اولسا بو ایشدن
قاچمازلار.
14. داها چوخ بیلماق اوچون قولاق آسارلار.
سئویملی
انسانلار فعال و صادق قولاق آساندیلار. اونلارینا نظرلریز و خاطره‌لرز باره‌ده
دانیشا بیلرسیز و اونلار سؤال سوروشماغینان سیزین سؤزلریزه قولاق آسدیقلارینی و
مطلبه علاقه‌لی اولدوقلارینی گؤرسه‌ده‌بیلرلر. هامی‌نین واختی ارزشلیدیر آما
اونلار واختلارینی سیزین اختیاریندا قویماقدان چکینمزلر.
15. مسئولیت
قبول ائلرلر.
بو انسانلار
ایشلرین و اشتباهلاری‌نین مسئولیتین قبول ائلرلر و نظارتلرینده اولاجاق ایشلرین
کنترلونو اللرینه آلارلار. بونا گؤره دئمک اولار کی قابل اعتماد انسانلار چوخ
سئویملی اولارلار.
16. حمایتلرینی دیله گتیررلر.
بیز
کناریمیزدا قالان انسانلاری و بیزدن حمایت ائله‌ماق حسّینی وئرن ایشلر گؤرن
انسانلاری سئوریک. بیرینی یادا سالین کی لازم اولان زمان سیزدن حمایت ائله‌ییب.
ایندی فکرلشین اوندا او شخص سیزین اوچون نه قدر سئویملی ایدی.
17. همیشه سوروشارلار: «نییه اولماسین؟»
سئویملی
انسانلار اکثراً مثبت باخان و عمل ائله‌ین انسانلاردیلار. کاریزماتیک انسانلارین
سؤزو بودور: «بعضیلری‌نین عادتی وار هر شئیی اولدوغو کیمی گؤرسونلر و سوروشسونلار:
نییه؟ آما من ایندیه‌جن اولمایان زادلارین فکرین ائلرم و سوروشارام: نییه
اولماسین؟