تاریخی روایتلره گؤره «شاه جهان» اوچونجو خانیمیسی «ممتاز محل»ی چوخ سئوردی. اونون اؤلوموندن سونرا اونون خاطره‌سینی دیری ساخلاماق اوچون بیر آرامگاه دوزلتدی.

تاج محل دنیانین مشهور تاریخی اثرلریندن ساییلیر. بو بنا هندوستاندا دهلی‌نین یاخینلیغیندا آگرا شهرینده یئرلشیب. و دنیانین یئددیلی عجایبیندن بیری ساییلیر.

دنیانین محتشم معمارلیقلاریندان بیری اولان تاج محل صفوی‌لریینن معاصر اولان بابرلی‌لر زمانی شاه جهانین الی اینن قورولوب.

بو بنانین تیکیلیشی 1632 میلادی ایلینده باشلاییب 1648 ایلینده باشا چاتیب. اونو اطرافی و باغلاری دوزلتماق دا 5 ایل اونون قورتولوشوندان سونرایاجن ادامه تاپیب.

بو بنا یامونا چایی‌نین کناریندا یئرلشیر و حدوداً 405 هکتار مساحتی وار و مقبره‌نین اصلی ساختمانی‌نین 58 متر اوجالیغی و 56 متر اَنی وار.