شرقی آذربایجانین استانداری 1700 دهیاری‌نین اولماسیندان خبر وئریب کندلی‌لرین شهرلره کؤچمه‌سی‌نین
آرتماسیندان نگرانچیلیغینی بیلدیریب آرتیردی: شرقی آذربایجانین شهر و کند جمعیتی‌نین نسبتی یئتمیشه اوتوزدور.
اسماعیل جبارزاده شنبه آخشامی تبریزده انقلاب اسلامی مسکن بنیادی‌نین مسئول‌لاری جمعینده، آسایش امکانلاری حاضرلاماغینان کندلی‌لرین کؤچمه‌سی‌نین
قاباغینا آلماغین ممکن اولدوغونا اشاره ائله‌ماغینان، آرتیردی: متأسفانه تولید مرکزی اولان کندلریمیزده
آسایش و اشتغال امکانلاری‌نین یوخلوغو و یا آزلیغی، کندلی‌لریمیزین چوخونون شهرلره کؤچمه‌سینه سبب اولور.
او، کندلردن بؤیوک شهرلره اولان بو کؤچون دایاندیریلماسی‌نین ضرورتینه اشاره ائدیب آرتیردی: کندلی‌لرین شهرلره اولان کؤچونو ترسینه چئویرمه‌لی‌یوق چونکی شهره گلن گندلی‌لرین چوخو وضعیتلریندن رضایتلری یوخدور و اونلارین کندلرینه قاییتمالارینا
قاییتماق امکانلارینی یاراتمالی‌یوق.
جبارزاده کئچن ایل بیر میلیارد ایکی یوز میلیون تومن دولتی اعتبارین کندلرده
دهیارلار واسطه‌سی اینن
خرجلنمه‌سینه
اشاره ائله‌ییب
دئدی: مسکن بنیادی کندلرین آبادلاماسینا اولان باخیشینی دَییشمه‌لیدیر و بو زمینه‌ده دهیارلارین کناریندا یئرلشمه‌لی و کندلرده رونق، اشتغال و آسایش یاراتماقدا دانشگاهلارین علمی گوجوندن استفاده ائله‌مه‌لیدیر.