یاخجی همسایه نعمت و پیس همسایه نقمت ساییلیر. چونکی انسان عمرو بویو اونون
یاخینلیغیندا یاشاییر و اونو فایدالاریندا و یا ضررلریندن تأثیرلنه‌جاق.
انسان اجتماعی بیر موجود اولدوغو اوچون جامعه‌ده یاشامالی و اؤز ایستک و احتیاجلارین او بیری
انسانلارینان بیرلیقدا و اونلارین کناریندا اله گتیرمه‌لیدیر. بئله‌لیغینان همسایه‌نین اولماسی
زندگانلیغین
لازم و ضروری مسأله‌لریندن ساییلیر. ائله بونا گؤره مختلف روایتلرده، یاخجی همسایه نعمت و پیس
همسایه نقمت آدلانیب.
پیغمبر اکرم (ص) بویورور: «دنیادا پیس همسایه‌نین الیندن الله‌ا پناه آپاریرام. گؤزلری سنی گؤرور و اورگی سنی گودور. سنی شاد گؤرنده ناراحت
اولار و سنی چتینلیقدا گؤرنده سئوینر» (اصول کافي، ج4، ص 493، حديث 16.)
بیر انسانین گناهی اؤزگه‌یه ضرر وورمایینجا اؤزونه مربوطدور مخصوصاً اگر اونو گیزلین ساخلاماغا
چالیشسا.
پیغمبر الکر (ص) آیری حدیثده همسایه باره‌سینده بئله بویورور: همسایه‌نین سنین بوینوندا نئچه حقی وار:
1. شادلیغیندا اونا تهنیت و تبریک دئیه‌سن.
2. ناخوشلایاندا اونون عیادتینه گئده‌سن.
3. باشینا مصیبت گلنده و دنیانی ترک ائدنده اونون تشییع جنازه‌سینده شرکت ائده‌سن و باش ساغلیغی وئره‌سن.
4. ائوینی اونون ائویندن ائله اوجا دوزلتمیه‌سن کی اونو گونش ایشیغیندان و آزاد هوادان محروم ائلیه‌سن. (نهج الفصاحة. ص291)
یونه پیغمبر اکرم (ص) بیر سفارش ضمنینده اباذر غفاری‌یه بویورور: ائی اباذر، یاخجی همنشین اینن اولماق تک
قالماقدان یاخجیدی. تک قالماق پیس همنشین اینن اولماقدان یاخجیدی . . .فقط مؤمن
انسانینان دوستلوق ائله و فقط تقوی اهلی اینن هم غذا اول».( اعلام الدين، ص 198،
پیغمبرین (ص) اباذره وصیت بابی)
پیس همسایه‌نین
مقابلینده اونو مختلف شرعی و اسلامی یوللارینان هدایت ائله‌ماق لازمدیر. آما بو یوللار دا نتیجه وئرمه‌سه و اونون شرّیندن اماندا اولماق امکانسیز اولسا قانونی
یولونونا اقدام ائله‌ماق
لازمدیر.