تبریز شهرداری بو شهرین هوشمند شهره تبدیل اولونماسیندان خبر وئریب دئدی:
تبریز اؤلکه
کلانشهرلری ایچینده لاپ کهنه‌لمیش عمومی حمل نقل ناوگانینا صاحبدیر و گونده‌لیق 3.4میلیون نفر بو شهرده تردد ائلیرلر.
تبریز شهرداریسی‌نین
عمومی رابطه‌لری‌نین وئردیغی خبره گؤره، تبریز شهرداریسی‌نین 94-جو ایلینده حمل نقل برنامه‌لری‌نین و اولویتلری‌نین
آراشدیرما جلسه‌سینده
دئدی: تبریز شهرداریسی‌نین 94-جو ایلینده حرکت و فعالیتلری، شورانین تصویب ائله‌دیغی بودجه برنامه‌سی و تؤکدوغو برنامه‌لر اساسیندا اولاجاق و بو برنامه‌دن کنار هئچ ایش گؤرولمیه‌جاق.
تبریز شهرداری مناسب برنامه تؤکماق و اجرا نتیجه‌سینده تبریز هوشمند شهره تبدیل اولماسینا تأکید ائله‌ماغینان آرتیردی: ایندی تبریز خیابانلاری شهروندلری و
قوناقلاری مقصده راهنمالیق ائله‌میر. معبرلری تابلو و علامتلرینن شهروندلری پیاده و سواره وضعیتده مقصده
راهنمالیق ائلیه بیلن
شرایطه گتیرمه‌لی‌یوق.
تبریز شهرداری تبریزی اؤلکه کلانشهرلری ایچینده لاپ کهنه‌لمیش عمومی حمل نقل ناوگانینا صاحب اولان شهر اولدوغونو و گونده‌لیق 3.4میلیون نفر بو شهرده تردد ائتدیغینی دئییب آرتیردی:
شهرین ایندیکی ناوگانی احتیاجلارا جواب وئرمیر و بو شهرین اتوبسرانی و تاکسیرانیسی
توسعه وئریلمه‌لیدیر.
او دولتین عمومی حمل نقله سوبسید وئرمه‌سینه تأکید ائله‌ماغینان
آرتیردی: تبریز شهرداریسی گئچن ایلین آخرلریندن قرارداد باغلاماغینان 170 بیر و
ایکی کابینلی و برقی اتوبوسون حمل نقل ناوگانینا قوشولماسی‌نین مقدماتین حاضرلاییب و اونون کناریندا آیری 100 اتوبوسون
اساسلی تعمیری اینن شهر اتوبوسلارینی اوچده بیر آرتیراجاق.
نجفی دئدی: گئچن ایله قدر تبریز متروسونا 430 میلیارد تومن هزینه ائله‌میشوق و
94-ون آخرینه قدر شهرداری میدانیناجن مترونون ایشه سالینماسینی اومید ائلیروق.