تبریز شهرداریسی‌نین عمومی رابطه‌لری‌نین وئردیغی خبره گؤره، صادق نجفی منطقه یئددی شهرداریسی طرفیندن افتتاح اولان اوچ پروژه‌نین مراسمینده دئدی: شهرین گیریشلری شهره داخل اولان مسافرلرین بیرینجی گؤردوغو یئرلردی کی شهرین فرهنگی یئرینی گؤرستمه‌لیدیلر.

او،تبریزین جنوب غرب گیریشنده دوزلن «اوستاد کریمی مراغه‌ای» پارکینی بو زمینه‌ده ساییب آرتیردی: بوندان علاوه، مرند گیریشینده «حکیم نباتی» ائلئمانی و تهران گیریشینده «شهاب الدین اهری» ائلئمانی جاری ایلین برنامه‌لریندن نظرده آلینیب.

او، فرهنگی چهره‌لری هر یوردون لاپ اهمیتلی سرمایه‌لریندن ساییب تأکید ائله‌دی: بو غنی و تایسیز سرمایا، مدنیت یارادان تبریزده همیشه اجتماعی و فرهنگی زمینه‌لرینده گؤزه گلیم تحول‌لارا سبب اولوب.

او آرتیردی: اؤزوموزو «اوستاد کریمی مراغه‌ای» کیمی بؤیوکلردن تجلیل ائله‌ماغا بورجلو بیلیروق. چونکی بو انسانلارین عزیزله‌مه‌سینی بیر شخصین عزیزله‌مه‌سی یوخ بلکه هنر و فرهنگین عزیزله‌مه‌سی بیلیروق.

«اوستاد کریمی مراغه‌ای» مسافر پارکی بیر میلیارد تومن آرتیق اعتبارینان افتتاح اولدو. 13 مین متر مربع اولان بو پارکدا مسافرلرین رفاهی اوچون، نمازخانا، آلاچیق، پالتار یوما خدمتلری، قاب یوما خدمتلری، اطلاعات مرکزی و اینترنت مرکزی کیمی خدمتلر نظرده آلینیب.