ولی فقیهین
شرقی آذربایجانداکی نماینده‌سی دئدی: روحانیلر
جوانلارین مخصوصاً دانشگاهداکی جوانلارین شبهه‌لرینی آرادان آپارماغا اقدام ائله‌مه‌لیدیلر.
آیت الله محسن
مجتهد شبستری شنبه گونو استانین امام جماعتلر کارگاهیندا دئدی: روحانیلر
دانشگاهلاردا جوانلارینان مناسب رابطه‌سی
اولمالیدیر و اونلارین بصیرتلرین آرتیرماقدا چالیشمالیدیلار. چونکی شیعه علیهینه
سابقه‌سیز حمله باشلانیب و غرب
دنیاسی طرفیندن اسلامدان قورخو جریانی چوخ شدّتلی یولا سالینیب.
او آرتیدی:
افراط و نفریطله مبارزه ائله‌ماق و آمریکایی تسننی و
انگلیسی تشیعی اینن مقابله ائله‌ماق رحانیلرین وظیفه‌لریندندیر.
آیت الله مجتهد
شبستری، معظم انقلاب رهبری‌نین سون گونلرده انگلیسی تشیع و آمریکایی تسنن باره‌ده‌کی تعبیرینه اشاره ائله‌ماغینان دئدی: دوشمن تکفیری سنّی جریانلارین قاباغیندا
اؤلکه‌میزده افراطی شیعه جریانی
یولا سالیب و بو جریان انگلیسی شیعه‌لیقدیر
کی بدعت، خرافات و افراطینان آمریکالی وهابیته مسلمانلاری قیرماغا بهانه وئریر.
او آرتیردی:
شیعه و سنی مسلمانلار آگاه اولمالیدیلار و دوشمنین توطئه‌لرینی اونلارادا تأثیر بوراخماسینا امکان وئرمه‌مه‌لیدیلر کی وحدتین بوندان
آرتیق ساخلانماسی ضروریدیر.