کانادانین کونکوردیا
دانشگاهی و کلمبیانین بریتیش دانشگاهی‌نین
محققلری بیر سؤال مطرح ائدیبلر:
اوشاقلار هانسی
یاشدان اعتماد ائله‌ماغی، دوز و یالانین نه
اولدوغونو اؤرگشرلر؟ اونلار هانسی یاشدان مسأله‌لره انتقادی باخا بیلیب اونا شک و تردیدله باخا بیلرلر؟
اونلار بو
سؤالا جواب تاپماق اوچون، 4-5 یاشلی اوشاقلار اوستونده آزمایش آپاردیلار. اولده
اونلارا، حیوانلار باره‌سینده دانیشان ایکی خانیمین
فیلمینی سالدیلار. بیرینجی خانم دوز سؤزو تردید و شک لحنی اینن دئییر. مثلاً :
منجه نهنگ سودا یاشاییر، ائله دئییل؟» ایکینجیسی قاطعیت اینن دئییر: «نهنگ یئرین
آلتیندا یاشاییر».
بیر آیری
فیلمین اویونچولاری یئنه‌ده بو ایکی خانم ایدی. آما
بو دفعه اونلار تانینمامیش حیوانلار باره‌ده دانیشیردیلار. بیر تردیدلی و بیر قاطعیتلی دانیشیردی.
سونرا اونلارین سؤزلری باره‌ده اوشاقلاردان سوروشولدو.
نتیجه: 4
یاشلی اوشاقلارین جوابلاری بیر ایدی. اونلار احتمال وئریردیلر قاطعیتلی دانیشان
آدام، یالانچیدیر. بوندا بللی اولدو 5 یاشدان آشاغی اوشاقلار صادق آما
تردیدلی شخصه داها چوخ اینانیرلار.