علی اکبر ناطق نوری امام خمینی‌نین (ره) وطنه قاییتماسی گونوندن اوخومالی خاطره‌سی وار. آشاغیدا
اونون خلاصه‌سینه یازماغا چالیشمیشوق:
من ... سحر (1357 بهمن آیی‌نین 12) اؤز آبی پیکانیملا مین تختلی مریضخانانین قاباغینا
گلدیم . . .مریضخانایا چیخان خیابانین کوچه‌لرینده بیرینده ماشینی پارک ائله‌دیم. هامی‌یا تای حاضرلانان
اتوبوسلارینان طیاره میدانینا گئتدیم . . . طیاره میدانین باندیندان سالونا قدر امامی بیر بنز اینن گتیردیلر . .
.آتیلیب تریبونو آلدیم و جماعتی بلند گو اینن هدایت ائله‌دیب کی امام
دانیشا بیلسین . . . امام بلیزرین قاباغیندا اوتوردو، احمد آغا دالیسیندا و رفیق
دوست‌دا شوفر
عنوانیندا اونلارین یانیندا . . .من‌ده بی‌سیمی اولان توانیر جیپینه مینیب امامین ماشینینا طرف
یوللاندیم . . .یول اوستو جمعیته دریا کی دالغالانیردی . . .
برنامه،
امامین دانشگاها گلیب اورانین قاباغیندا دانیشماسی و سونرا یولونا دوام ائله‌مه‌سی ایدی. دانشگاها
یاخینلاشاندا، دانیشماغین و سابق برنامه‌لرین
امکانسیز اولدوغونو بیلدیلر. بونا گؤره برنامه قاریشدی . . . حقیقتاً بعضی
جوانلارین طیاره میدنیندان بهشت زهرایا قدر
اللری ماشینین دستگیره‌سینده قیشقیریردیلار، دوز
اولاردی . . .
امام، ماشینین
ایچینده جماعته ال ترپَدیب محبتینی گؤرسَدیردی بو ایشینن‌ده جماعت داها آرتیق تحریک اولوردو. رفیق دوست دئییر، او
آندا امام ماشیندان یئنماق ایستیردی آما من ماشینین مرکزی قیفیلینی وورموشدوم.
امام نه قدر چالیشیردی قاپینی آچا بیلمیردی . . . جماعتین فشاری نتیجه‌سینده ماشین خراب اولموشدو استارت یئمیردی، قیزمیشدی . . .
اصلاً عجیب سناریو ایدی. بیردن بیره بیر هلی‌کوپترین گلیب بیزیم یاخینلیغیمیزدا اوتورماسینی گؤردوق . .
.ماشینین هلی‌کوپترینن فاصله‌سی تقریباً 100 متر اولاردی. اما اولان ماشین ایته‌له‌‌ماغینان شاید ساعت یاریم
هلی‌کوپتره چاتماسی چکدی . . . یاخجی
گولَشَن اولان آغای محمد [رضا] طالقانی، اوردایدی. اوردان قورتولماغا چوخ کؤمک
اولدو. جالب بوراسی ایدی کی من بیلزرین اوستونده ایدیم و هلی‌کوپترین‌ده پرواه‌سی فیرلانیردی. اصلاً دقت ائله‌میردیم کی بیردن بیره پروانه باشیمی قوپاردار. هر حالدا
بیر جورلوغونا امامین ماشینی خلبان طرفیندن هلی‌کوپترین یانینا یئتیشدی. رفیق دوست قاپینی آچاندا یئدیغی
ضربه نتیجه‌سینده حالدان گئتدی. اونو
آپاردیلار . . .امام‌دا شاگرد طرفینده
اوتورموشدو و یئننمزدی. اونون اوچون هلی‌کوپترین
ایچینه آتیلیب امامین الیندن یاپیشیب، امامی فرمان دالیسیندا هلی‌کوپترینا یچینه چکدیم. دئدیم آغا باغیشلایین آیری چاره
یوخدور. احمد آغا دا هلی‌کوپترین ایچینه آتیلدی . .
. خلبان‌دا هوایی نیرودان سرگرد
سیدین ایدی . . .خلاصه زحمت اینن هلی‌کوپتر
اوچدو . . .
نهایتده هلی‌کوپتر آچیق محوطه‌ده یئندی . . . امام جایگاهدا یئر آلدی . . .حضرت امام اؤز
تاریخی سخنرالیغینی باشلادی. من‌ده عبا عمامه‌سیز جماعتین ساکتلشمه‌سینه چالیشیردیم. احمد آغا امامین یانیندا عبا عمامه‌سیز اولدوغومون پیس اولدوغونو دئدی. دئدیم: «کیشی بو بلوا
شوردا هاردان عبا عمامه تاپیم؟ . . .
امامین دانیشیغی
قورتولاندا . . . بیز هلی‌کوپتره چاتمامیش هلی‌کوپتر قالخدی. نه قاباغ یول واریدی نه دالی‌یا . . .معروف قولا گؤره جنگ مغلوبه اولموشدو. زور چوخ
اولان او بیرینی آتیردی . . . امامین عمامه‌سی باشیندان دوشدو . . .بو حسّاس آنلاردا جماعتی ایته‌له‌ماقدا بیلکلریم ایشدن دوشدو
و امامین آیاق آلتیندا دنیادان گئتمه‌سینه
یقین ائله‌ییب مأیوسلوغونان
قیشقیردیم: بوشلایین، امامی اؤلدوردوز. امام نئجه تازادان جایگاها قاییتماسی ایندی‌یه قدر منه قارانلیقدیر . . .اؤزومو جایگاها یئتیردیم.
گؤردوم امام اوتوروب و یورقونلوقدان عباسین باشینا چکیب و باشینی حالسیز آشاغی
سالیب. شاید امام 20 دقیقه بو حالدا قالدی. نه ائده‌جاغیمنیزا معطل قالمیشدوق. اوردا ری شهری‌نین نفت شرکتینه مربوط بیر آمبولانس واریدی. آمبولانسین
جایگاه قاباغینا گتیریلمه‌سینی ایسته‌دیم . . . احمد آغا امامین الیندن یاپیشیب آمبولانسا میندیلر.
یئنه امامین عباسی ایلیشدی. عبا چکیب دئدیم: آغا عبا ایسته‌میر. امامین عباسینی قولتوغوما ووروب شوفرین یانیندا
اوتوروب دئدیم: «گئد» دئدی هارا؟ دئدیم بهشت زهرادان ائشیگه. ماشینین کؤمگینی ووردو
و قبر داشلاری‌نین آلچاق اوجاسیندا یولا
دوشدو. ماشین آژیر چکیردی و بلند گو اینن دئییردیم: قیراغا چکیلین، عالملرین بیری‌نین حالی قاریشیب اونو مریض خانایا چاتدیرمالی‌یوق. امامین آمبولانسدا اولدوغونو بیلسه ایدلر ماشینی تیکه
تیکه ائلردیلر.
بهشت زهرادان
چیخاندا، ماشینین بدنه‌سی نرده‌لره داشلارا دَیماقدان ازیلمیشدی. بیر آز تهرانا طرف گئتدیکدن
سونرا هلی کوپتر اوستدن آمبولانسی گؤرموشدو و دوغرودان پالچیق اولان بیر فرعیده
یئندی . . .زحمت اینن امامی هلی‌کوپتره میندیردوق. گئده-
گئده خارا گئتماغیمیزا معطل قالمیشدوق. احمد آغا جمارانا گئتماغیمیزی ایسته‌دی. جمارانین داغا یاخین و آغاجلیق اولدوغو اوچون هلی‌کوپتر اوتورا بیلمزدی. خلبان قاییدیب ذوق اینان دئدی: آغا
نیروی هوایی‌یا گئداق؟ دئدی: «بیزین آری
یوواسینا آپارماق ایستیرسن؟» . . .بیردن بیره ماشینیمی سحر مریض خانانین
یاخینلیغیندا پارک ائله‌دیغیم ذهنیمه گلدی. هله
گؤیدن یئره یئناق، یئرده هارا گئده‌جاغیمیز
باره‌ده تصمیم توتاریق. خلبانا
دئدیم: «سرگرد، مین تختلی بیمارستانا گئده بیلرسن؟» دئدی: «هر هاردا دئسن یئنه‌رم» . . . هلی‌کوپتر
مریض‌خانا حیاطیندا یئندی . . .
دکتر صدیقی آدیندا بیر طبیب دئدی: آغا منیم پژو ماشینیم وار، گتیریم؟» دئدیم گتیر.
او ماشینی هلی‌کوپترین یانینا گتیردی. هلی‌کوپترین قاپیسین آچاندا پرستارلار و دکترلر امامی گؤرماق
همان قیشقیرماغا باشلادیلار و اونلارین هجومو اینن بیزیم ایشیمیز قاریشدی. بیر خانیم
امامین الینی چکیب آغلیردی. زجمت اینن خانیمی آییردوق. امام، احمد آغا و محمد
[رضا] طالقانی ماشینا میندیلر. ماشین یولا دوشدو. من اؤزومو ماشینین سقفینه اـدی.
ماشین یئیین گئدیردی. دئدیم آغا بو جور یئیین گئتمه‌یین. احمد آغا اوردا قالدیغیمی ظن ائلیردی. دئدی: «ائ
سنسن؟» دئدی: «نه فکر ائلیرسن من کی بوشلامارام» شوفر ماشینی ساخلادی من‌ده میندیم.
بیر مدت
سونرا، سحر ماشینی ساخلادیغیم کوچه‌یه
چاتدیق. آغای دکتردن عذر ایسته‌ییب تشکر ائله‌دوق. امامی پیکان ماشینیما میندیردیم. داها اؤزوم شوفر
ایدیم و احمد آغا دا یانیمدا اوتورموشدو. اوچ نفره تهران خیابانلاریندا یولا
دوشدوق. خیابانلار بوم بوش ایدی. هامی بهشت زهرادا امامی آختاریردی؛ آما امام،
پیکان ایچینده تهرانین خلوت خیابانلاریندایدی. احمد آغا جمارانا گئتماغیمیزی ایسته‌دی. امام بویوردو یوخ. عرض ائله‌دیم آغا گئداق بیزیم ائومیزه. بویوردو یوخ. سوروشدوق پس
هارا گئداق. امام بویوردو آغای کشاورزین ائوینه. من قاباقلار بو خانواده‌یه بیر منبر گئتمیشدیم و اونلارین امامین قوهوملاریندان
اولدوقلاری معروف ایدی. ائولری‌نین آدرسی یوخوموز ایدی . .
.
نهایتده
سوروشا سوروشا، اندیشه خیابانیندا آغای کشاورزین ائوی قاباغینا چاتدیق . . .قاپینی
دؤیدوق. قاپینی قوجا بیر آرواد آچدی. قوجا آرواد آز قالیردی سکته ائله‌سین، یوخودا و یا آییقلیقدا اولدوغونا اینانمیردی. قضیه‌نین نه اولدوغونو بیلمیردی. ائوه گیردوق. امام آشپزخانایا
گئدیب بوتون قوهوملارین حالینی سوروشدو. امامین گؤزلری‌نین التی یورقونلوقدان گؤورمیشدی.
بیر گون اورتا
و ایکینجی نمازی امامینان جماعتله قیلدیق. قوجا ساده بیر یئماق گتیردی . . . جالب
ایدی بوتون علما و استقبال کمیته‌سی امامی ایتیرمیشدیلر و
امامین هلی‌کوپتر اینین هارا
آپاریلدیغینا نگران ایدیلر. آغانی رژیم آپارماسیندان قورخوردولار. بو نهضت آزادی‌لیلار [بختار] دولتی طریقی‌نین سوراقلاشمیشدیلار. ساواک مین تختلی مریض خانا و نقره‌ای بیر پژویا مینمه‌سیندن خبرلی اولدوقلاریو سونرا ایزلرینی ایتیردیقلارینی
دئمیشدی. ساواکین دا بیزیم ایزیمیزی ایتیرمه‌سی عجیب ایدی. بونا گؤره احمد آغا استقبال کمیته‌سینه زنگ ووردو . . .یادیمدان چیخماز، امامین رحلتیندن
سونرا مرحوم حاج احمد آغا منه دئدی: آغای ناطق، سیز امامین گلدیغیندا دا
اونلارینان همراه ایدیز و ازدحام ایچینده باشیزدا عمامه دوشدو، امامین رحلتی و
دفنینده ده حاضر ایدیز و بوردا دا عمامه‌ز
باشیزدان دوشدو.
منبع: حجت الاسلام
والمسلمین ناطق نوری‌نین خاطره‌لری، ج 1، مرتضی میردارین چالیشماسی اینن. ایکینجی چاپ،
تهران اسلامی انقلاب سندلر مرکزی، 1384، ص 153- 161