بعضاً والدین اوشاقلارا دئدیقلاری سؤزدن پئشمان اولارلار. نه یاخشی اولار اوشاقلارینان دانیشیغیمیزدا آرتیق دقّت ائله‌یاق کی پئشمانلیغا دوشمه‌یَک.
اوشاغا دئدیگیمیز سؤزلر اونون اجتماعی، عاطفی و شخصیتی رشدونده یوخاری تأثیری وار. بیز اونلارینان دانیشدیغیمیزدا مناسب کلمه‌لر و مناسب جمله‌لردن استفاده ائله‌یَنده ارزشلی اولدوقلارینی حسّ ائلرلر.
«ایمپاورینگ پرنتس» سایتی‌نین یازدیغینا گؤره، اوشاق تربیتی متخصصلری، والدینلری اوشاقلارینان دانیشاندا بعضی کلمه‌لر و عبارتلرین ایشلتمه‌سینی قاداغان ائله‌ییبلر:
1ـ مارک وورماق:
اوشاقلارا تنبل، ازگین، سیرتیق و . . .مارکلارینی وورماق نظره راحت‌ده اولسا بو ایشین ادامه‌سی اولسا اوشاق، بو خصلتلری اؤز شخصیتینده یئر وئرر.
2ـ اونلارین اومودسوز اولماغی دئماق
«سندن اومودوم کسیلدی». بو جمله اؤلدوروجو سؤزدور. اونون تأثیرینی فوراً گرمه‌ساق‌دا اونلارا ایسته‌دیغیمیز شخصیته صاحب اولمادیقلارنی آنلادار. اوشاقلارین آتا آنانین تأییدینه شدّتلی احتیاجلاری وار و بو جمله‌نی ائشیتماق اونلارین نه قدر کفایتسیز اولدوقلارینی نشان وئرر.
3ـ من سنه افتخار ائلیرم:
محققلر بو جمله‌نین ده دئمه‌سینی مصلحت بیلمیرلر. اوشاقلارین تشویقی ضروری بیر شئیدیر آما یوخاریداکی جمله‌نین یئرینه بئله دئماق اولار: «سن اؤزونه افتخار ائله‌مه‌لیسن».
4ـ شرط کسماق
«اویناتمالیلارینی ییغسان تلوزیونا باخا بیلرسن» بو جور جمله‌لری اوشاغی شرطی بارا گتیرر. اونون عوضینه بئله دئماق یاخجی اولار: «اویناتمالیلارینی ییغدیقدان سونرا تلوزیونا باخا بیلرسن». بو جور دانیشماق اوشاغا، یاخجی ایش گؤرنده جایزه آلا بیله‌جاغینی تفهیم ائلر.
5ـ آمّا !
دئدیغیز جمله‌نین ایچینده آما اولاندا مثبت جمله‌نین تأثیری خنثی اولور. چونکی اوشاق فقط آما کلمه‌سینی و اونون قویدوغو منفی تأثیرینی ائشیدیر.
6ـ عاغیلی
اوشاقلارین ایشلرین حددن آرتیق تعریفله‌ماق اونلاری، نابغه و عاغیللی کیمی لفظلرینن خطاب ائله‌ماغین منفی تأثیری وار. چونکی بو جور خطابلار اونون اؤزوندن اولان انتظارینی چوخالدار و اؤزلرین او حدده گؤره بیلمه‌ینده افسرده اولورلار.