کانادالی
محققلرین تحقیقی، یاخجی اجتماعی رابطه‌سی اولان افرادین داها آز
ناخوشلاماسی و داها آز تعدادی‌نین سکته ائله‌مه‌سینی
گؤرسَدیر.
معاصر زماندا،
اجتماعی شبکه‌لرین و ارتباطی وسایلین چوخالماسی انسانلاری اوزاقدان و
یاخیندان بیر- بیرینه باغلاییب. بو مسأله‌نی
تکنولوژی و رابطه‌لر عصری‌نین
مزیّتلریندن سایماق اولار. آما گؤره‌سن دوستلارین چوخلوغو و
اجتماعی رابطه‌نین وسعتلی اولماسی ساغلیغا
دا تأثیری وار؟
کانادا
مونترال محققلری‌نین اعتقادینا گؤره،
دوستلارین چوخلوغو انسانین جسمی ساغلیغینا گؤزه گلیم مثبت تأثیری وار. بو تحقیقین
نتیجه‌لری، اجتماعی انسانلارین اورکلری‌نین
داها منظم ایشلَمه‌سینی و اورک
ناخوشلوقلاریندان آماندا اولدوقلارینی گؤرسَدیر.
محققلر بیر
ایل بویوندا تک اولان انسانلار و اجتماعی انسانلارین حسّیاتلارینی بررسلیق ائله‌دیلر.
بو تیمین رهبری پروفسور «گوین» بو تحقیق باره‌ده
دئییر: «منزوی و تک یاشایان انسانلارین اورکلری نا
منظم چالیردی آما مناسب اجتماعی رابطه‌سی اولانلارین اورگی منظم
ریتم اینن چالیردی. بو تحقیقده اورک نَوساناتینا چوخ دقّت یئتیریلدی چونکی نامنظم
ریتم ناخوشلوق هشداری اولا بیلر».
اوزون مدّت
انزوانین صحت بدنه مخصوصاً اورک ساغلیغینا گؤزه گلیم منفی تأثیری اولا بیلر، بونا
گؤره یاخجی اولار گیزلندیگیز بارامادان ائشیگه چیخاسیز.