انسان تمرین
ائله‌دیغی شخصه تبدیل اولار.
سیزه کؤمگی کئچمه‌ین عادتلریز اولسا سیزه
ضررلیدیلر و اونلاری ترک ائله‌مه‌لیسیز.
فقط آیریلارین
زندگانلیغیندا متمرکز اولماق
موفق
انسانلارین زندگانلیغین بیلماق فایدالیدیر آما بعضیلری ائله اونلارا مجذوب
اولورلار کی اؤز زندگانلیقلارین یاددان چیخاردیرلار و اؤزلری‌نین موفق اولا بیلدیقلارینا اینانمیرلار. آما هر انسانین
موفقیته گوجو و امکانی وار. بونا گؤره انسانلار داها چوخ اؤز زندگانلیقلارینا دقّت
یئتیرمه‌لی و گوجلریند شاد یاشاماق
اوچون استفاده ائله‌مه‌لیدیلر.
کمال گونونو
گؤزله‌ماق
عیبسیز و کامل
گونو گؤزله‌ماق هاوا سؤزدور. کمالا
یاخینلاشماغا چالیشماقدیر کی فایدالیدیر. بونا گؤره هر لحظه‌نی یاشاماق لازمدیر. او گونو گؤزله‌ین آرزیسینا چاتمامیش عمرونون آخرینا چاتار.
فقط پول
قازانماق اوچون ایشله‌ماق
علاقه‌سیز ایشله‌ماق
اؤزونو شاقه عمل‌لرینن حبس ائله‌ماق معناسیندادیر. انسان مشتاق اولدوغو ایشی اله گتیره بیلمه‌سه ده هئچ اولماسا بیر آز سئوه بیلدیغی ایشده مشغول
اولمالیدیر. انسان سئومه‌دیغی ایشله مشغول اولسا آز
مدت سونرا افسرده‌لیق توتار.
متنفّر اولماق
قارانلیغینان
قارانلیقلا ساواشماق اولماز، بو ایش اوچون ایشیق لازمدیر. نفرت انسانین ذهنین
قارالدار و شادلیغی الیندن آلار. هر شئیه مثبت طرفدن باخین. بو، منفی طرفلری گؤرمه‌ماق معناسنیدا دئییل بلکه اونلاری منطقی صورتده گؤرماق
معناسیندادیر. مثلاً بیر گوله یاخینلاشاندا اونون تیکانلارینی نظرده آلماق لازمدی
آما گولو نظرده آلاراق تیکانلارا دقّت ائله‌ریک.
قورخولاردان و
نگرانچیلیقلاردان آسلانماق
کئچمیشی نظرده
آلساز، قورخولارین و نگرانچیلیقلارین چوخونون جیبدن گئتمه اولدوغونو گؤره‌جاقسیز. بونا گؤره قورخولاردان ال چکیب غمدن اوزاق
اولماغیز لازمدیر.
دائماً مشکل‌لره متمرکز اولماق
پیس بیر گون
فقط بیر گوندور، اوندان آرتیق اونا فکر وئرمه‌یین. کئچمیش پیس خاطره‌لری احساس اوزو اینن یوخ بلکه بیر روبات کیمی باخماق
لازمدیر. فقط اوندان لازم اولان درسی آلین بقیه اثرلرینی ائشیگه آتین. ذهنیزی
کئچمیشده اولان پیس خاطره‌لرینن دولدورساز اونون
شادلیغینا امکان وئرمیه‌جاقسیز.
بؤیوک تغییری
آز زماندا اله گتیرماق
زندگانلیغیزدا
اساسلی دَییشیکلیق یاراتماق ایسته‌سز
اونا مناسب واخت آییرمالیسیز. بعضیلری آز زماندا بؤیوک ایشلری گؤرماغی نظرده
آلیرلار و بو ایشی گؤره بیلمه‌یَنده ناراحت و مضطرب
اولورلار. آما طبیعتین قانونلارینی دَیشماق اولاز. هر ایشین اؤز اندازه‌سینه گؤره انرژی و واخت لازمدیر.
تحمل ائدیلمز
آداملارینان بیر یئرده اولماق
بعضی انسانلار
سیزی اذیّت ائلرلر. شاد و موفق بیر زندگانلیق دالیسیجان اولساز بئله آداملاردان
اوزاق اولامالیسیز.
حددن آرتیق
ظاهره فکر وئرماق
مرتب و گؤزل
ظاهر هامی‌نین ایستگیدیر. آما بو
مسأله‌ده واسواسی اولماق
زندگانلیغی عذابا چئویرر. یادیزدا اولسون یاخجی رفتار انسانلاری داها آرتیق جذب
ائلر.