شرقی آذربایجان استانداری تیر آیی‌نین 15 و 16-دا تبریزده بین المللی دؤردونجو سرمایه قویماق فرصتلری ییغینجاغی‌نین برگزار اولماسینا اشاره ائله‌ماغینان دئدی: جوانلاریمیزا ایش و زندگانلیق آختارساق، سرمایه قویماق فرهنگیندن تبعیّت ائله‌مه‌لی‌یوق.
فارسین جولفادان وئردیگی خبره گؤره، احمد علیرضابیگی فولاد شمشی دوزلتمه «آذر آبادگان ارس» فولاد مجتمعین کولونگ وورما مراسیمینده دئدی: شرقی آذربایجاندا هر ایل 3 میلیون 500 مین تن فولاد تولید اولور کی تازا رکورد ساییلیر.
آراز آزاد منطقه‌سی‌نین مختلف اکینچیلیق، توریست و صنعت زمینه‌لرینده هماهنگ توسعه‌سی، بو منطقه‌نین گوندن گونه رونقلنمه‌سینه سبب اولاجاق.
او آراز آزاد منطقه‌سی‌نین 10 ایللیق فعالیّت سابقه‌سینه اشاره ائدیب دئدی: آراز آزاد منطقه‌سی‌نین ظرفیّت و قابلیّتلرینی خارجی و داخلی سرمایه قویانلارا، آیدینلاتماغین ضرورتی وار.
او، تیر آیی‌نین 15 و 16-دا تبریزده بین المللی دؤردونجو سرمایه قویماق فرصتلری ییغینجاغی‌نین برگزار اولماسینا اشاره ائله‌ماغینان دئدی: بو ییغینجاق، اؤلکه‌ده بین المللی سطحده قورولان تکجه ییغینجاقدیر و ملّی سرمایه قویماق ییغینجاغی‌نین بو برنامه‌نین ایچینده اولماسی بیزیم اوچون بؤیوک فرصتدیر.
شرقی آذربایجانین استانداری آرتیردی: بو مسأله اقتصادی سیاست قویمالارین موفّق اولدوغونو گؤرسدیر و سرمایه قویانلارین استاندا حاضر اولماق اوچون اورکلرین قیزیشیدیریر.