فارسین وئردیگی گوزاریشه گؤره, شرقی آذربایجاندا 220 کیلومتر آزاد یول, 292
کیلومتر اوتوبان, 1036 کیلومتر اصلی یول و 1775 کیلومتر فرعی و کند یولو واردیر کی
اؤلکه‌میزین اصلی حمل و نقل دامارلاریندان حئسابا گلیر. آذربایجان منطقه‌سی
ژئوفیزیک و ژئوپولتیک
شراییطه گؤره اؤلکه‌نین موهوم منطقه‌لریندن ساییلیر.
آذربایجانین گؤزل چؤل‌لری,
داغلاری و دره‌لری‌ده بو منطقه‌یه طبیعی جاذیبه‌لر وئریب و اونو عظیم توریستی
منطقه‌یه چئویریب. اوندان علاوه آذربایجان, اؤلکه‌میزین موهوم اکینچیلیق و صنایع
قوطبلریندن ساییلیر.
شکسیز بو ایمکانلاردان ایستیفاده ائتمک
اوچون موختلیف زمینه‌لرده زیرساختلاری برکیتماغا احتیاج وار کی اونلارین اصلیسی حمل
و نقل شبکه‌سی‌نین تقویتی و اونون بین‌المیللی یوللارا باغلانماسیدیر.
شرقی آذربایجانین شهرسازلیق و یول
ایداره‌سی‌نین کول مودیری, اروجعلی علیزاده, فارس خبرنیگارینا دئدی: سویق بیر قیشی
دالیدا قویدوغوموزا دیقّت یئتیرماغینان کی ایلین لاپ یاغینتیلی فصلینه شاهید ایدوق,
اوستان یوللاری مخصوصاً داغلیق منطقه‌لر و دؤنگه یوللاری‌نین روکشلری آرادان
گئدیب و تعمیره احتیاجی وار.
علیزاده آرتیردی: بو مسأله
اوچون 40 ایلا 50 میلیارد تومنه احتیاج وار.
او عئین حالدا اعلام
ائله‌دی کی بو ایل اوستانی و سراسری اعتیبارلاردان فقط 10 ایلا 15 میلیارد تومن بو
قیسمته ایختیصاص تاپیب. او آرتیردی: بو تخصیص تاپان بودجه چوخ آزدیر کی تعمیرلره
کیفایت ائله‌میه‌جاق. اونا خاطیر آرتیق ضررین قاباغین آلماقدان اؤترو تعمیر لازیم
اولان یئرلره قیر سپمیشوق کی آسفالتین چاتی بؤیومه‌سین.
او بونا ایشاره
ائله‌ماغینان کی گرک بو بؤلومون اعتیبارلاری‌نین 6 درصدی ساخلاماق بخشینه ایختیصاص
تاپا, دئدی: کئچن ایل بو بخشین اعتیبارلاری 12 میلیارد
تومنیدی.