لیتوانی اؤلکه‌سی‌نین
«بامتیک» تیجاری تحقیقاتی شیرکتی‌نین عضوی دئدی: تبریز بازاری‌نین اسرار انگیز و
ایچ-ایچه معمارلیق قورولوشو, اونو بیر شهر کیمی عظمتلی و بوروشوق ائدیب.
رابرت جودکا تبریز
بازاریندان گؤروش زامانی فارس خبرنیگاری‌اینن دانیشیقدا دئدی: بو بازارین
راستالاری و بؤلوملری بؤیوک بیر شهرین خیابانلاری کیمی بیر-بیرینه یاپیشیر کی چوخ
جالیبدیر.
جودکا ایدامه وئردی: بازاردا اولان فرهنگ و تمدّون و بو
اوزن تاریخی‌اینن اوندا جاری اولان یاشاییشین و کسب و کار چوخ گؤزل و تأثیر
قویاندیر.
او ایران و مخصوصاً شرقی آذربایجانین جماعتین چوخ مهریبان و
قان ایستی بیلیب دئدی: تبریز بازارین یونسکودا ثبت اولماسی بو عظیم تاریخی اثرین
تانینماسینا سبب اولوب, آما بو اثری یاخیندان گؤرندن سونرا متوجیه اولدوق کی تبریز
بازاری عکسلری و فیلیملریندن داها عظمتلی‌دیر.
جودکا هابئله مشروطه موزه‌سیندن اولان گؤروشه ایشاره ائدیب
دئدی: مشروطه ائوی و موزه‌سی بین‌المیلل جنگلرین بیر بؤلومونون و اونلارین ایراندا
قویدوقلاری تأثیرین دقیق و شفاف تصویریدیر.
«بامتیک» تیجاری تحقیقاتی شیرکتین مودیر هیئتی عضوی
آیدینلاتدی: مشروطه دؤورونون تاریخی, موقاویمتلرین عکسلری و ریوایتلر و جماعت و
رهبرلری‌نین موباریزه‌لری چوخ جالیب و اینسانی تعجوبه سالیر.
او تبریزی گؤزل و یاخجی شهر آدلاندیریب و دئدی: بو شهر
تاریخی و فرهنگی نواد لار و اثرلرینی تکنولوژی و گؤزل ساختیمانلارین کناریندا
ساخلایا بیلیب و بونا دیقّت یئتیرماغینان کهریبا یولونون اوستونده دایانیر و آیری
موهوم خصوصیتلری وار, بیز ترغیب اولموشوق کی بو اوستانینان فرهنگی و تیجاری
ایرتیباطلاریمیزی چوخالداق.
کهریبا یولونون تحقیقاتی و رسانه‌ای گروهی, آذربایجان موزه‌سی,
تبریزین جومعه مسجیدی, مشروطه موزه‌سی و تبریزین بؤیوک بازاریندان گؤروش ائله‌دی.