ارزرومون بازرگاني اوتاغي‌نين رييسي:
تبريز ايرانين اوروپايا آچيلان تيجاري دروازاسيدير.
ارزرومون بازرگاني و صنايع و معادن
اوتاغي‌نين رييسي تبريزي ايرانين اوروپايا آچيلان دروازاسي بيلدي.
فارس خبرگوزاريسي‌نين تبريزدن وئرديگي
گوزاريشه گؤره، بير عالي روتبه هئيأتينن تبريزه گلن سلیم اوزاکان تبريز شهرداري
عليرضا نوينله گؤروشوب، منطقه‌ده تبريزين تيجاري و ايقتيصادي نقشينه تأكيد ائديب
دئدي: تبريز قديملردن ايپك يولو اوستونده اولماسينا گؤره كئچن عصرلرين ايقتيصادي
شاه‌داماري عونوانيندا منطقه‌ده تايسيز و موهوم يئر توتوب و ائليه بيليب ايران و
اوروپا آراسيندا بير دروازايا چئوريلسين و منطقه اؤلكه‌لري و حتي آسيا اوروپا
آراسيندا تيجاري آليش وئريشلرده چوخ موهوم نقش اويناسين.
ارزرومون بازرگاني اوتاغي‌نين رييسي
سؤزلري‌نين آيري بؤلومونده ايران و توركيه آراسيندا كي رابيطه‌لرين درينلشمه‌سيندن
مخصوصاً توركيه‌نين موختليف شهرلري‌اينن تبريز آراسيندا اولان رابيطه‌لرين
چوخالماسيندان سئوينديگيني بيلديريب دئدي: توركيه‌نين موختليف شهرلري و تبريز
آراسيندا اولان دين، ديل و فرهنگ ايشتيراكلاري و تيجاري ايقتيصادي آليش وئريشلرين
اولماسي بو زمينه‌ني حاضيرلاييب كي ايكي طرفين رابيطه‌لري بو تعامول‌لر كؤلگه‌سينده
چوخالسين.
او ارزرومون بازرگاني و صنايع و معادن اوتاغي‌نين تبريزله
تيجاري ايقتيصادي رابيطه‌لرين چوخالتماسينا حاضير اولدوغوندان خبر وئردي.
حديث:
ايمام رضا (ع) بويوروبلار: «مَن رَضى عن
الله تعالى بالقَلیل مِن الرّزق رضَى الله منه بالقَلیل مِنَ العَمل » هر كس آللاه
طرفيندن وئريلن رزقين آزليغينا قانع اولا، آللاه اونون آز عمليندن راضي اولاجاق
(بحـارالانـوار،ج 78،ص 357)