آراز آزاد منطقه‌سي‌نين توريستي و ايجتيماعي فرهنگي
موعاويني:آراز آزاد منطقه‌سي تحقيقي و علمي قوطبه چئوريلير.
آراز آزاد منطقه‌سي‌نين توريستي و ايجتيماعي فرهنگي
موعاويني، بو منطقه‌ده تحقيقاتي و عالي تحصيلات مركزلرين چوخالماسيندان خبر وئردي.
فارس خبرگوزاريسي‌نين تبريزدن، آراز آزاد منطقه‌سي‌نين
عومومي رابيطه‌لريندن وئرديغي گوزاريشه، عادل نجف‌زاده آراز تيجاري-صنعتي آزاد
منطقه‌سي‌نين تحقيق ايشلري‌نين ايكينجي نوماييشگاهيندا، موحقيقلر و ايختراعچيلارين
تجليل و عزيزله‌مه مراسيمينده دئدي: ياخين گله‌جاقدا ايكي جهاد دانيشگاهي و تربيت
موعليم دانيشگاهلاري گئنيش تحقيقي و آموزشي ايشلر اينن آراز آزاد منطقه‌سينده
تجروبه‌لي كادرينان ايشه باشلايجاق.
او دئدي: اولونان توافوقلره گؤره تبريز دانيشگاهي‌نين روشد
مركزي‌ده، توليد ائدنلرين علمي بونيه‌لرين تقويت ائله‌ماق و اونلاري ايقتيصاد و
تيجارت دونياسي‌نين تازا علملريندن بهره‌لنديرمك اوچون، آراز آزاد منطقه‌سينده
ياراناجاق.
نجف‌زاده دئدي: آراز آزاد منطقه‌سي سازماني‌نين يوخاري
استراتژيلريندن بيري بودور كي علم و تكنولوژي و تحقيق زمينه‌سينده چاليشير و
اومودوموز وار عالي آموزشي مركزلري چوخالتماغينان بو منطقه اؤلكه‌ميزين تازا علمي
قوطبونه تبديل اولا.