شرقي آذربايجانين توريست، ال ايشلري و
فرهنگي ميراث سازماني‌نين كول موديري، تبريزين «بيلانكوه» منطقه‌سينده ايكي كمال
مقبره‌سي‌نين سهمانلانماسيندان خبر وئردي.
فارسين شرقي آذربايجانين توريست، ال
ايشلري و فرهنگي ميراث سازماني‌نين عمومي رابطه‌لريندن نقل اولان گوزاريشينه گؤره،
تراب محمدي بونا تأكيد ائله‌ماغينان كي بو اثرين تازادان دوزلتمه‌سي‌نين بير
ميليارد تومن خرجي اولوب، دئدي: بو مقبره‌نين تعميري اينديه‌جن يوزده يئتميش
قاباغا گئديب.
او بونو دئماغينان كي بو مقبره‌نين دؤره‌سينده
رواق دوزليب، آرتيردي: حياط ، درس كيلاسلاري ، ييغينجاق سالونو، آزماييشگاه،
نقاشليق، تخته و ال ايشلري كارگاهي بو مجموعه‌ده دايير اولوب.
محمدي بو پروژه‌نين باشلانيشيني دؤرد ايل
قاباق اعلام ائله‌دي و آرتيردي: بو پروژه‌نين قورتولوشو رييس جمهورون اوچونجو سفري‌نين
مصوبه‌لريندندير كي گلن ايله‌جن ايفتيتاح اولاجاق.
او بونا ايشاره ائله‌ماغينان كي بو مقبره‌ده
ايكي بؤيوك اوستاد، کمال‌الدین بهزاد و کمال‌الدین خجند ياتيبلار، آرتيردي: بورا
نيگارگرليق كيلاسلارين قورماغا لاب ياخجي يئردير كي اونو آليب تعمير ائله‌مه‌سينه
2 ميليارد 20 ميليون تومن هزينه نظرده آلينيب.
بو مقبره صفويه زماني قورولوب و حياطداكي
رواقلار كيمي تازا تيكيلنلردن سونرا، بينانين آيري يئرلري‌نين تاريخي ارزيشي وار.