شرقي آذربايجاندا ولي فقيه نوماينده‌سي
محرم عزالاريندا شرع ميزانلارين رعايت ائتمك و بيدعتين قاباغين آلماغين ايسته‌دي.
فارسين تبريزدن وئرديغي گوزاريشه
گؤره، آیت الله محسن مجتهد شبستری، حسيني تاسوعا و عاشورا هماهنگليق سيتادي‌نين
گؤروشونده دئدي: ايمام حسين (ع) مكتبي موتعالي آموزه‌لر و عيزت و ايثار و
ياخجيليغا چاغيرماق و پيسليقدان ساخلاماق درسي‌اينن دولودور كي گرك هاميميز اونا
عمل ائدك.
او آرتيردي: راحيل ايمام (ره) محرم و
صفري ايسلامين ياشاماسينا عاميل بيليبلر. بو اوزدن گرك بو گونلرين جان وئرن آموزه‌لري‌اينن
، مؤمونلرين اوركلرينده ايمانين بقاسي تضمين اولا كي اونلارين محوري نامازدير.
تبريزين ايمام جومعه‌سي عزا
مراسيمينده حسيني قيامين فلسفه‌سين دئماغا ايشاره ائديب دئدي: بو مراسيملر گرك تشت
گوذاري، بئشيك گزديرمك، علم باغلاماق و قمه وورماق كيمي بعضي آرتيرمالاردان اوزاق
اولا تا شيعه‌لرين عيزتي حيفظ اولسون.
شبستري ايمام حسين (ع) عزاسيندان
خورافه‌لرين آرادان قالديريلماسيني موعظم اينقيلاب رهبرين ايستگي بيليب و حسيني
سيره‌لرين بو خورافه‌لرين آرادان آپارماغا چاليشماقلاريني ايسته‌دي.
شبستري بونا تأكيد ائله‌ماغينان كي
ايمام حسينين (ع) قيامي ناماز فريضه‌سينه خاطيردي، آرتيردي: ايمام حسين (ع) ناماز
يولونون شهيدي ايدي و حسيني سيره‌لر گرك عاشورا ظوهروندا ايمام حسينين (ع) آخير
نامازي خاطيره‌سينه عاشورا ظوهروندا جماعت نامازي قيلسينلار.
او آخيرده حسيني سيره‌لرين
تلاشلاريندان تقدير ائديب، معريفت و بصرتله تؤأم عزادارليغي ايسته‌دي.
حجت الاسلام رسول ملایی تاسوعا و
عاشورا مراسيمي سيتادي‌نين مسؤولو دا بو گونلرين برنامه‌لرين تشريح ائديب دئدي:
تاسوعا مراسيمي‌نين اوستاني شبكه و سراسري شبكه‌لرين بيريندن پخش اولماسي، نيصف‌راه
دان آبرساناجن پرچم باغلاماق، تاسوعا گونو ايمام خميني (ره) موصلاسيندا خانيملارا
مخصوص مراسيم و عاشورا گونونون عزاسي و تبريزين ايمام جومعه‌سي‌نين ايمامتي‌اينن
ظوهر عاشورا جماعت نامازي بو برنامه‌لردندير.