شرقي آذربايجان ايسلامي تبليغاتين
هونري حوزه‌سي‌نين سرپرستي تبريزده يئددينجي «72 بغض و بوم» تجسومي سوگواره‌سي‌نين
قورولماسيندان خبر وئردي.
شرقي آذربايجان ايسلامي تبليغات كول
ايداره‌سي‌نين عمومي رابطه‌لري‌نين گوزرايشينه گؤره، شهرام خدايي چهارشنبه گونو
خبرنيگارلارا دئدي: بو ييغينجاق بوتون تجسومي ريشته‌لرده و اؤلكه‌نين شومال
غربينده‌كي هونرمندلرين حضورو اينن قورولاجاق. او عاشورا و اباعبدالله الحسينين
(ع) قيامين تجسومي اثرلرين يارانماسينا تاپيلماز زمينه آدلانديريب آرتيردي: هر بير
عاشورايي مفهوم اساسيندا مينلرجه تايسيز هونري اثر يارالتماق اولار. شرقي
آذربايجان ايسلامي تبليغات سازمانين هونري حوزه‌سي‌نين سرپرستي دئدي: نقاشليق،
تصويرسازليق، خوشنويسليق و خط نقاشليغي ريشته‌لرينده آد يازديرما باشلاييب و اؤلكه‌نين
شومال غرب هونرمندلري‌نين چوخو بو سوگواره‌ده آد يازديريبلار. يئددينجي '72 بغض
وبوم' سوگواره‌سي‌نين دبيري بو سوگواره‌نين محصوللاريندان قورولاجاق
نوماييشگاهلاردان‌دا خبر وئريب دئدي: بو سوگواره‌يه گؤندريلن اثرلرين لاب
ياخجيلاري مذهبي و موتبريك يئرلره وئريله‌جاق. خدايي سوگواره‌نين قورولاجاق
تاريخيني آذرين 14-و تاسوعاي حسيني‌اينن بير زماندا و يئرين سينما قدسين فرهنگي
هونري موجموعه‌سين اعلام ائله‌دي. '72 بغض وبوم'، هونري سوگواره‌دير كي اوندا
يوزلرجه هونرمند اوز برداشتلاريني عاشورا قياميندان سحردن آخشاماجن تصويره چكيرلر.