شرقي آذربايجانين ايسلامي تبليغات
سازماني‌نين مودير كولي، تبريزده بيرينجي اهل بيت (ع) شعر انجومنين ايشه
باشلاماسيندان خبر وئردي.
شرقي آذربايجانين ايسلامي تبليغات
سازماني‌نين عومومي رايطه‌لرين گوزاريشينه گؤره، حجت الاسلام حميد عظيمي بو
انجومنين بيرينجي جلسه‌سي‌نين آچيليشيندا دئدي: اهل بيت شاعيرلري گرك ايسلامي
معاريفي صحيفه سجاديه دوعاسي و شعبانيه موناجاتي كيمي دوعالاردان آلالار.
او دئدي: شاعيرلر گرك موصيبتلري اينديكي
زمانينان توتوشدوروب زمانه يزيدلرين تانيتماسينا ايقدام ائليه‌لر.
عظيمي آرتيردي: اهل بيت(ع) موصيبتين
وجودا گتيرن عاشورا ماجراسي‌نين اصلي عاميلي جابيرلرين جورأتي، خواصين خيانتي و
جماعتين نامردليغي‌ايدي كي هر ايكي طرفين دونيايا و توغلايان ظاهيره ميل‌لري
اولدوغو اوچون عاشورا فاجيعه‌سي ياراندي.
اوستانين ايسلامي تبليغات مودير كولي
هابئله ايسلامي اينقيلابين موعظم رهبري‌نين كرمانشاها اولان سفرينه ايشاره ائديب
دئدي: بو سفرده جماعت صحنه‌ده حاضير اولوب زمانين ويلايت فقيهيندن حيمايت ائتمه‌سينه
شاهيد اولدوق، بير زاد كي ايمام علي(ع) زمانيندا اولماماسي باعيث اولدو او حضرت
ائوده قالسين و ايسلامي جاميعه آللاهين وليسي‌نين هيدايت نعمتيندن محروم اولسون.
عظيمي ايسلامي جاميعه‌نين سياسي
مساييلينه بي‌تفاوت اولماماغي ايسلامي حوكومتين قالماغينا گركلي بيليب و دئدي:
معصوم ايماملار(ع) زماني مخصوصاً ايمام حسين(ع) زماني جماعيت بي‌تفاوت اولماسي
باعيث اولدو جابيرلر ايسلامي اومّته و جاميعه‌يه تسلوط جورأتي تاپسينلار.
او آرتيردي: شاعير گرك اؤزونو معريفت، 8
ايل موقدس ديفاع و معنويته ياخينلادا و شعرلرين پالاييش ائله‌يه.
خاطيرلاتماق لازيمدير كي سيد مسعود نقيب،
حسن حسني ، ايوب شهبازي ، يحيي فغاني و جلال محمدي اهل بيت(ع) ادبي انجومنين
مؤسيسلري كيمي جلسه‌لري هر يكشنبه ساعت 15-دن اوستانين ايسلامي تبليغات كول ايداره‌سي‌نين
«سوره» سالونوندا قوراجاقلار.