آراز منطقه آزاد سازمانين هيأت موديره عضوي خبر وئردي چينلي‌لر
ايكي ياناجاقلي ماشين كرخاناسي قويورلار.
فارس خبرگوزاريسي‌نين جلفا دان وئرديغي خبره گؤره، صادق
نجفي آراز منطقه آزادين موعاوينلر شوراسي‌نين جلسه‌سيندن سونرا دئدي: بير چينلي
شيركت، آراز منطقه آزاديندا سرمايا ياتيرتدماغا آماده‌ليغين بيلديريب.
او دئدي: اوستانين ايقتيصادي گوروهونون چينه اولان سونكي
سفرينده بو ماشين كرخاناسيندان گؤروش ائله‌ديك و قرار اولدو بو ماشينين توليد خطي
آراز منطقه آزاديندا يولا توشسون.
نجفي دئدي: بو سواري ماشين، ايكي ياناجاق يعني برق و بنزين‌اينن
ايشلر و اؤلكه‌ميزين ايستاندارد، ياناجاغي ياخجيلاشديرما سيتادي و راهور پوليسي
طرفيندن تأييد اولور.
نجفي ايظهار ائله‌دي: بيز آماده‌ليغيميزي بيلديرميشيق كي بو
كرخاناني يولا سالماق اوچون آراز منطقه آزادين صنعتي سايتلاريندان، طرح سرمايه‌گوذاري‌نين
ايختياريندا قوياق.
آراز منطقه آزادي ايرانين شومال غربي مرزين صيفر نوقطه‌سينده
و آذربايجان، ارمنستان و خودموختار نخجوان جومهوريسي جيواريندا قرار تاپيب.
بو منطقه آزاد 51 مين هيكتار ووسعت‌اينن اؤلكه‌نين لاب
بؤيوك منطقه آزادي و جلفا و خداآفرين شهرلرينده بير-بيريندن آيري دؤرد محدوده‌سي
وار. 6 مين هيكتار اولان خداآفرين محدوده‌سينده جامع طرح حاضيرلانماقدادير و بو
محدوده‌ده گومروكون آچيليشي‌اينن بو شهريستانين توسعه زمينه‌سي فراهم اولدو.