بو گونکی دنیادا موفقیتین مهم عامل‌لریندن بیری جماعت اینن نئجه ارتباط قورا بیلماغی باشارماقدیر.
گئنیش بیر تحقیقین نتیجه‌سینده، آشاغیدا سیزه سیرالادیغیم یئددی یول، داها موفق ارتباط قورماقدا یاخجی رول اوینایا بیلرلر:
یاخشی قولاق آسان اولون
یاخشی قولاق آسماق فهرستین لاپ باشیندا یئر آلیر. بیزیم آیریلار اینن نئجه ارتباط قورماغیمیز، اونلارا نئجه قولاق آسماغیمیزا و اونلاری نه قدر تانیماغیمیزا باغلیدیر. مقابل طرفی نه قدر تئز تانیساز بیر او قدر تئز رابطه قورا بیلرسیز.
اجتماعی رابطه‌لرده مهارت صاحبی اولان انسان، ایک قولاق و بیر آغیزا صاحب اولدوغونو یاخجی بیلیر و بو تعدادینان اونلاردان استفاده ائله‌مه‌لیدیر. بیر دانیشیغا داخل اولدوغوز زمان مقابل طرفین سؤزلرینه دقتله قولاق آسین کی اونون دغدغه و احتیاجلارینی اؤرگشه‌سیز و اونلارین رفعی اوچون آددیم آتا بیله‌سیز.
ذهنیزده مثبت مئتود یارادین
کلی مسأله‌لری سیزین مئتودوز جماتین ایلک گؤردوغو زاد اولور. مسأله‌لره منفی باخیشیز اولسا جماعتین سیزدن خوشو گلمز و سیزدن اوزاق گزرلر. بونا گؤره حرفه‌ای نفرلر تجارت ادنیاسیندا مغناطیس کیمی هامینی اؤزلرینه طرف چکرلر.
اؤزگه‌یه کؤمک ائله‌ماغا چالیشین
جماعته سیزن بیر شئیی نه قدر باشاردیغیز مهم دئییل، بلکه سیزین اونلارا نه قدر اهمیت وئردیغیز اهمیتلیدیر. جماعت همارکلیق ائله‌ماغا بازلیغی اولان انسانلارینان ارتباط قورماغا میل‌لری اولور. اونلارا فایدالی بیر مقاله یوللایا بیلر و یا فایدالی بیر شخصی تانیتدیرابیلرسیز.
صادق و اصیل اولون
جماعته قولاق آسماقدا و همکارلیق ائله‌ماقدا صداقتیز اولماسا اونلار چوخ راحت باش تاپارلار. اونا گؤره بوتون رفتارلاریز صادقانه اولمالیدیر. چوخلاری اؤزلرین صادق گؤرستماق ایسترلر آما رول اوینادیقلاری کاملا بیلینر. بیر شئیین اداسینی چیخارتماق او ایشین اؤزونو گؤرماغینان چوخ فرقی وار.
پیگیر اولون
بیرینه موقعیت و یا شانس ساغلادیغیز زمان مسأله‌نین پیگیری اولماسا، او شخصه واخت و انرژی آیریدیغیز اوچون پشیمان اولارسیز. سیزین گؤردوغوز ایش مهم بیر ملاقات، بالاجا بیر اطلاعات و یا هر نه اولسا دا اساس اهمیت ائونا پیگیر اولماغیزدیر.
اعتمادلی اولدوغوزو ثابت ائله‌یین
بیری‌نین نه قدر موفق اولدوغو مهم دئییل اونون نه قدر قابل اعتماد اولدوغو اساس اهمیتی داشییر. اونا اعتمادیز اولمالیدیر کی آبروز خطره دوشمه‌یه.
ال چاتیلان اولون
سیزین گؤردوغوز ایشلر و دانیشدیغیز سؤزلر جماعتین یادیندان چیخسادا اونلارا اولان احساسیز هئچ واخت یادلاریندان چیخمایاجاق. بونا گؤره اؤزوز همیشه اونلارا ال چاتیلان گؤرسدین کی سیزین اونلاردا اوزاق گزدیغیز حسی اونلاردا یاراتماسین.