بیز انسانلار بعضاً چوخ راحات اؤزوموزون لاپ بؤیوک منتقدینیه چئوریله بیلیروق. بو اؤزونده عیب آختارماق سن یوخاری گئتدیقجا چوخالا بیلر. یوردا ایستیروق اؤزوموزو داها آرتیق سئومک اوچون نئچه یول سیزه تانیتدیراق. اؤزونه گولماغی اؤرگش یاشاییشی او قدر ده جدّی توتمامالی‌یوق. ایچیمیزده و یا ائشیگیمیزده‌کی موقعیتلر همیشه دَیشماقدادیلار. عذاب وجدان حسی یئرینه اؤزوموزه گوله بیلروق. مثلا ورزش کلاسیندا حرکتلرین بیرینی دوزگون یئرینه گتیره بیلمه‌ییب ییخیلدیغیز زمان، اؤزگه‌نین نه دوشونه‌جاغینا فکرلشینجن، توشموش اتفاقا گولون. حقیقتده او بیریلری او قدر اؤز ایشلرینه باشلاری قاریشیب کی سیزین ییخیلماغیزا او قدر ده فکر وئرمزلر. گؤرسز بیری سیزه اَیری اَیری باخیر گرلماغا ادامه وئرین. گرلماق توز آلان کیمی هر شئیین توزونو آلار. اؤزونو باغیشلایا بیلمک اوچون اؤزگه‌نی باغیشلا بوتون چتین درس اولسا دا بون اؤرگشمه‌لی‌یوق کی بیزه ضربه وورانی باغیشلایاق. بو ایش، بیزه اؤزوموزو باغیشلاماغا دا امکان وئرر. اؤزوموزو مقابل طرفین یئرنه قویماغا چالیشاق و ایشلره اونون منظریندن باخاق. بو ایش مقابل طرفین حیرصلنماغینی و یا کم لطفلیغینی ائله‌ده شخصی بیلمه‌یک. آیری طرفدن ایشی اؤزوموزه ده چتین توتمیه‌جاغیق. غضب و حیرصی بوشلاماق اؤزوموزو باغیشلاماغا دا کؤمک ائلر. دوستلوق اوستونده سرمایه قویون انسان زندگانلیق بویو اونا اهمیت وئرن فوق العاده انسانلارلا تانیش اولمالی و بو تانیشلیغی ساخلامالیدیر. بو انسانلاری اؤز اطرافینا ییغماغا هر یولدان استفاده ائله‌ماق اولار. اطرافیمیزدا بیزی اولدوغوموزا گؤره سئون انسانلارین اولماسی، اؤزوموزو سئومگه و قبول ائله‌ماغا کؤمک اولار. هدفیز اولسون علاقه‌ز اولدوغوز بیر شئیی تاپین و اونا واخت قویون. شاید آریقلاماق ایستیرسیز. بو یولدا چالیشیب مقصده چاتماغیز سیزده یاخجی حس یارادار و اؤزوزو سئومگه کؤمک ائلر. گونده‌لیق ورزش ائله‌یین حاضر بدنه صاحب اولماق اوچون هر گون ورزش ائله‌یین. بو ایش اینن آیانایا باخدیغیز زمان چالیشمازین ثمره‌لی اولدغونو گؤرماق سیزی سئویندیره‌جاق. اؤزوزه و اونلارا کؤمک ائده بیلمک اوچون آیریلارینی‌دا اؤزوزله همراه ائلیه بیلرسیز. اؤزوزه و آیریلارینا فایدالی اولماق اؤزوزو سئومگه کؤمک ائلر. تکلیغیزا واخت آییرین زندگانلیق چتین و یوراندیر. همیشه بو ایشلرینن مشغول اولماق سیزی یورار. نئچه مدتدن بیر اؤزوزله تک قالین. ایچیزین سسیله اؤزوزله دانیشین. بئله‌لیغینان دوشونجه‌لریزه و انتخابلاریزین ارزیشینی بیلمگه امکانیز اولار و اونلارین گوجلنمه‌سینه کؤمک ائلرسیز.