شرقی آذربایجان اسلامی تبلیغات مدیر کلی دئدی: فرهنگی فعالیتلر تازا باخیش و شاخصلرینن اجرا حالیندادی.
شرقی آذربایجان اسلامی تبلیغات عمومی رابطهلرینین وئردیغی خبره گؤره، شرقی آذربایجان اسلامی تبلیغات مدیر کلی بو گؤروشده اوستاندا 18-دن آرتیق اداره و نمایندهلیغین فعالیتینه اشاره ائلهماغینان دئدی: بوتون آزلیقلار و بودجه و انسانی نیرونون آزلیغینا باخمیاراق، اسلامی تبلیغات ادارهسی دایانمادان بوتون گوجو اینن تازا قالبلاردا فرهنگی برنامهلری اجراسینا مشغولدور.
حجتالاسلام سید شهاب الدین حسینی آرتیردی: تبلیغ عرصهسینده دین حوزهسینین مختلف موضوعلاریندا دینی فرهنگی فعالیتلرین توسعهسی اوچون یاخجی ایشلر گؤرولوب، ایندی بو وضعیتین ارتقاسی اوچون برنامه تؤکماقداییق و بو مسیرده خدآفرین و هوراند شهرلریندن سونرا آیری شهرلرده ده اسلامی تبلیغات ادارهسی فعال اولوب.
او آرتیردی: 3800 روحانینین حضورو و قم شهرینین اعزاملاری اینن اوستاندا 7000 روحانی فعالیت حالیندادیلار. کئچن ایللر مستقر روحانی 51 نفر ایدی کی ایندی بو سایینی 114 نفره چاتدیرمیشوق و یئنهده آرتیرماق فکریندهیوق.