اوروجلوق آیی، تزکیه نفس و گوناهدان اوزاق گزماق آییدیر. ائله بیر فرصت کی مسلمانلار عبادت و اوروج سایه‌سینده الله‌ین رضایتینی کسب ائله‌ماغی تمرین ائلیرلر.
رسول الله (ص) صبر باره‌سینده بئله بویوروب: «الله تعالی اؤزونو دؤزوملولر کیمی آپاران شخصه صبر روحو عطا ائلر و اؤزونو عفیفلر کیمی آپاران شخص الله طرفیندن عفت زینتینه بزه‌نر. اؤزونو احتیاجسیزلار کیمی آپارانی‌دا الله تعالی احتیاجسیز ائلر و هئچ بنده‌یه صبردن یاخشی و وسعتلی نعمت باغیشلانماییب».
اوروجلوق آیی انسان اوچون دؤزوملو اولماغا و الله‌ی عبادت ائله‌ماغا بؤیوک فرصت ساییلیر. قرآ«ین چوخلو آیه‌لرینده اوروج توتماق چوخلو انسانی فضیلتلره ال چاتماق اوچون وسیله ساییلیب. اوروج انسانین اؤزونه غالب اولماسینا کؤمک ائلر.