اسپوتنیکین وئردیغی خبره گؤره، 2017-جی ایلین اوکتوبر آیی‌نین 2 –سینده یئر کوره‌سی بؤیوک فاجعه‌اینن اوز اوزه گله‌جاق. بؤیوک گؤی داشی‌نین بو ایلین پاییزینده یئره دَیماق احتمالی وار.
بو خبر ابتداءً 2015-ده مطرح اولموشدو آما او زمان هله ائله ده ایناندیریجی گلمیردی.
2012 TC4 آدلانان بو گؤی داشی 2012-جی ایلینده تاپیلدی و اونون مداری تقریبی حالتده مطالعه اولونوب. اونون قطری 12 دن 14 متره قدر تخمین وورولور.
بئله‌لیغینان بو داش روسیه‌نین چلیابینسک منطقه‌سینه دوشن داشدان داها بؤیوکدور. او داش 1613 نفره صدمه ووروب و 8 میلیارد دولاردان آرتیق خسارت وورموشدو. هله بو داش مسکونی یئره دوشسه‌یدی خسارتی چوخ داها آرتیق اولا بیلردی.
البته رسانه‌لر دونیانین سونونو گتیرماق کیمی خبرلری دئماقدا بیر آز مبالغه ائلیرلر آما هر حالدا بو داشین یئره دَیمه‌سی جدی صدمه‌لره یول آچا بیلر.
متخصصلرین چوخو 2012 TC4 داشی‌نین 2020-جی ایله قدر یئره دَیماق احتمالینی صفرینن برابر بیلیرلر.