ایش بیلن‌لر اوشاقلارا گونده‌لیق ایشلری گؤردورماغی اونلارین یاشاییش مهارتلری اینن تانیش اولماسی اوچون یاخشی یول بیلیرلر.
یاخشی آتا-آنا همیشه اوشاقلاری‌نین مشکل‌سوز و موفق اولماقلارینی ایستیرلر. آما بونون اوچون نت و آیدین بیر یول یوخدور. آنجاق محققلرین بیر تعدادی بعضی ایشلری اوشاقلارین داها گوجلو و داها باشاریلی بؤیومه‌لری اوچون گؤرماغی مصلحت گؤرورلر:
اوشقالارا گونده‌لیق ایشلری گؤردورماق
اوشاقلارا گونده‌لیق ایشلری گؤردورماق اونلاری داها مهارتلی و اعتماد بنفس‌لی بارا گتیرر. بیر اوشاق ائوده قاب یوماسا بونون آیریسی‌نین اونون اوچون یومالی اولدوغو معنادادیر. بئله‌لیغینان او نه اینکی بو ایشی بلکه ائوده ایش بؤلومونون گرکلی اولدوغونو اؤرگشه بیلمیر.
گونده‌لیق ایشلرده مشارکت ائدن اوشاقلار بؤیوینده آیریلاری اینن داها یاخشی ایش بیرلیغی آپارا بیلرلر.
اوشاقلاری گونده‌لیق ایشلره تشویق ائله‌ماغینان اونلار یاشاییشدا پایلاری اولماق اوچون بیر سئری ایشلر گؤرمه‌لی اولدوقلارینی بیلیرلر.
یاشاییش مهارتینی اوشاقلارا اؤرگتماق
اوشاقلارا یاشاییش مهارتلری‌نین اؤرگدیلمه‌سی
اوشاقلارین موفقیتی اوچون یول‌لارین بیری‌ده اونلارا یاشاییش مهارتلری‌نین اؤرگدیلمه‌سیدیر.
پنسیلوانیا و دوک دانشگاه‌لاری‌نین محققلری آمریکانین باشا باشیندا 700 اوشاق باخچاسی و 25 یاش آراسی اوشاقلار اوستونده آپاردیقلاری تحقیق گؤرسدیر کی اوشاقلیقدا اجتماعی مهارتلری اؤرگنیلمه‌سی اونلارین 20 سونراکی یاشاییشلاریندا مستقیم تأثیری اولور.
بو 20 ایللیق مطالعه، اجتماعی مهارته صاحب اولان اوشاقلارین یعنی تشویقسیز اؤز یاشیتلارینا کؤمک ائله‌ماق، اونلارین احساسلارینی بیلماق و اؤز مشکل‌لرینی حل ائده بیلماغی باشاران اوشاقلار، اجتماعی مهارتلری داها آز اوالن اوشاقلارا گؤره داها موفق گله‌جاغا صاحب اولماغا امکانلاری اولور.
اوشاقلاردان یوخاری انتظارین اولماسی
کالیفورنیا دانشگاهی‌نین محققلری 2001-جی ایلینده 600 اوشاق اوستونده اولان تحقیقلری گؤرستدی کی والیدنلری‌نینانتظارلاری یوخاری اولان اوشاقلار داها آرتیق موفق اولورلار.
اوشاقلارنی گله‌جاقدا یوخاری یئرلرده گؤرماق انتظاریندا اولان آتا آنا حقیقتده اونلاری بو سمته هدایت ائلیرلر.
آشاغی یاشلاردا اوشاقلارا ریاضیات اؤرگتماق
نورث وسترن دانشگاهی‌نین محققلریندن اولان گرگ دانکن 35 مین اوشاغین اوستونده‌کی تحقیقده بیلدی کی اوشاقلارا آشاغی یاشلاردا ریاضیات اؤرگتماق اونلارا یوخاری امتیاز وئریر.
بو محققین نظرینه گؤره یاشاییشین اول الیللرینده ریاضیات و عددلر نظمی اینن تانیش اولماق اونلاری داها موفق ائله‌ماقدان علاوه اونلارین اوخوما قابلیتینی‌ده گوجلندیریر.
شاغل آنالارا صاحب اولماق
هاروارد دانشگاهی محققلری‌نین نظرینه گؤره آنالارین ائودن ائشیکده اولماقلاری اوشاقلارین حالینا فایدالی اولور.
بو تحقیقه گؤره آنالاری ائشیکده شاغل اولان قیزلار یوزده 23 او بیری اوشاقلارا گؤره یوخاری تحصیل آلماق احتمال‌لاری چوخ اولور. هابئله بو مطالعه‌یه اساساً آنالاری اشیکده ایشله‌ین اوغلانلار بؤیوکلوکده ائو ایشلری گؤرماغا داها میل‌لی اولورلار و هفته 7.5 ساعت داها آرتیق اوشاق ساخلاییر و 25 دقیقه داها آرتیق ائو ایشی گؤرورلر.
اوشاقلار مناسب آد قویماق
اوشاقلار تلفظی راحا آدلارین قویولماسی اونلارین موفقیتینده مستقیم تأثیری اولدوغونو گؤرسدیر.