بوتون کاییناتین ال - اله وئریب گونوموزو داغیتماغا مصمم اولدوغو گونلر هر بیریمیزین باشینا گله بیلر. آما حقیقتده بئله بیر شئیین حقیقتی یوخدور. اصلاً دونیانین بئله حمله‌نین تنظیمه سالماق گوجو یوخدور. دونیانین قایدالاری اؤز یوللاریندا دوام ائلیرلر و بو بیزوق کی بعضاً اونلارین یولو اوستونده دایانیروق. و یا عکسینه بیز ایسته‌مه‌دن بیرینی ناراحت ائدیریک. شاید بیرینه دَیمیشوق و یا بیری‌نین کاغاذلاری‌نین اوستونه سو تؤکموشوق. او دا اؤز الینده اولمایاراق حرصلنیب.
بئله‌نچی شرایطده انسان اؤزونو کنترل ائتمه‌لی و جوّی اوندان آرتیق آلوولاندیرمامالیدیر. او آنلار اوچون بئش ساده یول وار کی ائلیه بیلک اؤزوموزو کنترل ائدک و جوّه حاکم اولاق.
1. حسّ ائله‌ماغ، تأیید ائله‌ماغا و جواب وئرماغا واخت قویون
مثلاً بیری سیزه توهین ائدن زمان ایلک ایشیز درین نفس چکماق اولسون. هاوانی آغ جیگرلریزه چکین و ائشیگه اؤتورن زمان توهین ائدن شخصله اؤز آراسینداکی فاصله‌نی حسابلایین. بو فاصله‌نی آرادان آپارین. اؤز حسّلریزی دیله گتیرن زمان اونوندا حسّلرینه دقّتیز اولسون.
2. زهرلی انسانلاردان فاصله‌لی اولون
انسانلارین هامیسی سیزه ضربه وورماق فکرینده دئییل‌لر آما بعضیلری سیزه صدمه وورماقدان لذّت آپارارلار. بیز بو انسانلارین نییه بئله اولماقلاری باره‌ده تحلیل وئرماغا و یا اونلارین مرضینی تشخیص وئرماغا احتیاجیمیز یوخدور. واختیمیزی داها ارزشلی زادلارا صرف ائتمه‌لی‌یوق.
بیری اؤز عمدی و یا غیر عمدی اشتباهلاریندان عذر ایسته‌مه‌سه، بو بیر قیرمیزی پرچم علامتیدیر. و یا بیری سیزین عذروزو قبول ائله‌مه‌سه بو دا قیرمیزی پرچم ساییلیر. بئله فرض ائله‌یین اوشاق اوینوندور و او دردسر یاراتماق ایسته‌ییر. بوتون گوحوزو بئله‌نچی آداملاردان اوزاقلاشماغا صرف ائدین. آما بو شخص مشتری و یا رئیسیز و یا قاچا بیلمه‌دیغیز هر بیر شخص اولسا اونون یاراتدیغی دردسرلردن لذّت آپارین.
3. مقابل طرفی درک ائدین
اؤزوزو اونون یئرینه قویون. اونون مشکلونو حل ائله‌ماغا یول آختارین. باخین گؤرون اونون اورگینی سیندیرمادان سؤزونن اونو آراملادا بیلرسیز. بعضاً بالاجا گولومسه‌مه اونون بحراندان قورتارا بیلر.
4. اؤ اعتماد بنفسیزه اعتبار وئرماق اوچون اؤزگه‌نی معیار بیلمه‌یین
اعتماد بنفسیزی یاخشی درجه‌ده ساخلاماق اوچون دوستلارا و اطرافداکیلارا دایانساز، اونلارین گلیب سیزه ضعیفلتماغا قاپینی آچیق قویوبسوز. سیز قاپی‌نین آچارینی اؤز شادلیق موتوروزا تاپیشیرمالیسیز. اؤز ایچیزده اؤزوزه اعتماد و عشقی یارادا بیلمه‌سز، اطرافداکیلارین هیجانی دالغالارینی آلاجاقسیز. اطرافداکیلارین چوخو دا سیزی تماماً تانیمیرلار و احتیاجلاریزین نه اولدغونو کامل بیلمیرلر.
گولون، اؤزوزو سئومک و عاشق اولماق حسّینی اؤزوزده تقویت ائدین کی اطرافین یوللادیغی دالغالار چوخ کیچیک و اهمیتسیز گؤرونسون.
5. اؤزوزدن موغایات اولماغا واخت قویون
پیس بیر حادثه و یا گوندن سونرا روحیه‌زی قایتارماغا اؤزوزه شاد برنامه‌لر نظرده آلین و ایندیکی زمانی درک ائله‌ماغا اؤزوزه کؤمک ائدین.