شرقي آذربايجان خيريّه ايشلر و اوقاف كولّ موديري دئدي: بو ايداره اوروجلوق
آيي و ايلين باشا باشيندا مسجيدلرده و بوقعه‌لرده فرهنگي ايشلر و ايطعاما آماده‌دير.
ايرنانين گوزاريشينه گؤره، حجةالاسلام و المسلمين حسين نوبري شنبه گونو
«آسماني سوفره‌لري» ييغينجاغيندا موعظم رهبري مقامين بويوردوقلارينا ايشاره ائله‌ماغينان
دئدي: مسجيدلر و موتبرّيكه بوقعه‌لر گرك فرهنگي قوطب و اؤز تأثيرلرين قويالار.
او دئدي: مسجيدلر ايجتيماعي فعاليتلر مركزيدير و ايجتيماعي فعاليتلر گرك بو
موقدّس مكاندا اولا.
نوبري دئدي: مسجيد جماعتين امن يئري كيمي گرك جاميعه‌نين فيكري، فرهنگي حتي
ايشتيغال احتياجلارينا جواب وئره.
او هابئله بعضي مراسيملرده مخصوصاً توي مراسيملرينده اولان ايسرافين
آزالماسينا تأكيد ائله‌ماغينان دئدي: جاميعه‌ده گرك ضرورتلره ديقّت چوخالا. او
آرتيردي: نئجه‌كي شرقي آذربايجان جماعتي و مسئوللاري يوخسوللوق و يولچولوغو آرادا
آپارماقدا قاباقداديلار گرك بو مسأله‌لرده ده آرتيق ديقّت ائده‌لر.
نوبري مسئوللارين جماعت‌اينن اولماقلاريني يوخسوللوغون آزالماسيندا بؤيوك بير
ايمتياز بيلدي.